8 جاڭا جوبانى ىسكە اسىرۋ جونىندە شەشىم قابىلداندى.
الماتى اكىمى باقىتجان ساعىنتايەۆ پەن سالالىق قاۋىمداستىق باسشىلارىنىڭ قاتىسۋىمەن وڭىرلىك ۇيلەستىرۋ كەڭەسىنىڭ ونلاين-وتىرىسىندا 2020-2025 جىلدارعا ارنالعان كاسىپكەرلىكتى قولداۋ كارتاسىنا ەنگىزىلەتىن جاڭا جوبالار تالقىلاندى، دەپ حابارلايدى Almaty-akhamy.kz.
وسىلايشا، 2021-2023 جىلدار ارالىعىندا قۇنى 4،1 ملرد تەڭگەنى قۇرايتىن «Hyundai Trans Auto» ج ش س اۆتوكولىك قۇرالدارىن ءوندىرۋ زاۋىتىن ىسكە قوسۋ جوسپارلانۋدا، وندىرىستىك قۋاتى - جىلىنا 12 مىڭ بىرلىك ارنايى تەحنيكاعا دەيىن، 112 جۇمىس ورنى قۇرىلادى. سونداي-اق، كاسىپكەرلىكتى قولداۋ كارتاسى اياسىندا «جبي گارانت» ج ش س تولىق سيكلدى تەمىربەتون ونىمدەرىن شىعاراتىن زاۋىتى (قۇنى 1،2 ملرد تەڭگە، وندىرىستىك قۋاتى جىلىنا 36 000 تەكشە مەتر ءونىم، 67 جۇمىس ورنى اشىلادى) جانە لاك-بوياۋ ونىمدەرىن وندىرەتىن زاۋىت «بسف» ج ش س ىسكە قوسىلادى (جوبانىڭ قۇنى - 800 ملن تەڭگە، جىلىنا 10 795 توننا لاك-بوياۋ ءونىمىن ءوندىرىپ، 120 جۇمىس ورنى اشىلادى). Hyundai Trans Auto جوباسىن جۇزەگە اسىرۋ تۇركسىب اۋدانىندا بۇرىننان بار ءوندىرىستى كەڭەيتۋدى، ال تاعى ەكى جوبا الماتى قالاسىنىڭ يندۋستريالدى ايماعىندا قۋاتتىلىقتى ارتتىرا وتىرىپ، قولدانىستاعى ءوندىرىس ورىندارىن كوشىرۋدى كوزدەيدى.
سونىمەن قاتار، وۇك وتىرىسىنىڭ قورىتىندىسى بويىنشا يندۋستريالدى ايماقتا ىسكە اسىرۋ ءۇشىن جالپى سوماسى 19،9 ملرد تەڭگەنى قۇرايتىن 8 جاڭا جوبانى ىسكە اسىرۋ جونىندە شەشىم قابىلداندى. ول 722 ادامدى جۇمىسپەن قامتىماق. ولار: "Biotech Karal" ج ش س بيوكورمدى قوسپالار مەن تىڭايتقىشتار ءوندىرۋ بويىنشا زاۋىت قۇرىلىسى، "Lemonadoff Food" ج ش س الكوگولسىز سۋسىندار ءوندىرۋ زاۋىت قۇرىلىسى، "سارتاي ەنەرگو سەرۆيس" ج ش س قۇرىلىس ماتەريالدارى مەن اۆتوكلاۆتى گازوبلوكتارىن ءوندىرۋ بويىنشا زاۋىت قۇرىلىسى، "ABM Building 2007" ج ش س كابەلدىك-وتكىزگىش ونىمدەر ءوندىرۋ بويىنشا زاۋىت قۇرىلىسى، "سپ "NEFT" ج ش س كومپوزيتتى تالشىقتان شىنى تالشىقتار مەن ارماتۋرا ءوندىرۋ بويىنشا زاۋىت قۇرىلىسى، نان-توقاش ونىمدەرىن جانە اسپازدىق ونىمدەر، سونداي-اق، "JARDI KZ" ج ش س جارتىلاي فابريكاتتارىن، "بۇرعان-2005" ج ش س مەتالل قۇرىلىمدارى مەن پوليەتيلەن قۇبىرلارىن شىعاراتىن ونەركاسىپتىك كەشەن قۇرىلىسىن، "QAZAQ STROY"ج ش س گازوبلوكتارىن، بەتون جانە تەمىربەتون بۇيىمدارىن شىعاراتىن زاۋىت قۇرىلىسى.
سونداي-اق، وۇك قاتىسۋشىلارى "سك راحات" ج ش س اۆتوكلاۆتى گازبەتون ءوندىرۋ بويىنشا جاقىندا ىسكە قوسىلعان زاۋىت جوباسىنىڭ ولشەمدەرىن وزگەرتۋدى تالقىلادى. ينۆەستوردىڭ سۇراۋى بويىنشا كاسىپورىندا شىعارىلاتىن ءونىمنىڭ اسسورتيمەنتىن كەڭەيتىپ، گاز بلوكتارمەن قاتار Color Mix، تروتۋار پليتالارىن، قاپتاۋىش كىرپىشتەردى، دەكوراتيۆتى بلوكتاردى، قابىرعا پانەلدەرىن جانە بلوكتاردى شىعاراتىن بولادى. تولىقتىرۋلار ەنگىزۋ ارقىلى وندىرىستەگى ينۆەستيسيالاردى 1،8 ملرد تەڭگەگە كوبەيتەدى. وسىلايشا، جاڭا جوبالاردى ەسكەرە وتىرىپ، يندۋستريالدى ايماق رەزيدەنتتەرىنىڭ جالپى سانى 62-گە دەيىن ۇلعايدى، جوبالىق قۇنى 233،4 ملرد تەڭگە، 6990 ادامدى جۇمىسپەن قامتيدى.