سايلاۋ ناۋقانى ايماقتىڭ 71 وكرۋگىندە وتەدى.
الماتى وبلىسىنداعى اۋىلدىق وكرۋگ اكىمدەرىنىڭ سايلاۋىنا 220 مىڭنان استام ادام قاتىسادى،دەپ حابارلايدى Almaty-akhamy.kz.
قازاقستان پرەزيدەنتى سايلاۋ زاڭناماسىنا ەنگىزىلگەن تۇزەتۋلەرگە قول قويدى. وعان سايكەس اۋداندىق ماڭىزى بار قالالاردىڭ، كەنتتەردىڭ، اۋىلداردىڭ جانە اۋىلدىق وكرۋگتەردىڭ اكىمدەرى تىكەلەي سايلاۋ ارقىلى سايلاناتىن بولادى. اۋىل اكىمدەرىن سايلاۋ 2021 جىلدىڭ 25 شىلدەسىندە وتەدى. الماتى وبلىسىندا جۇمىستار باستالىپ كەتتى.
سايلاۋ ناۋقانى ايماقتىڭ 71 وكرۋگىندە وتەدى. اقسۋ اۋدانى بويىنشا 9 اكىم، الاكول – 8، بالقاش - 6، ەڭبەكشىقازاق – 10، ەسكەلدى – 1، جامبىل – 2، ىلە – 1، قاراساي – 1، قاراتال – 2، كەگەن – 5، كەربۇلاق – 4، كوكسۋ - 4، پانفيلوۆ - 4، سارقان - 3، تالعار-4، ۇيعىر-6، تەكەلى قالاسى-1 سايلاناتىن بولادى. رايىمبەك اۋدانىندا، تالدىقورعان جانە قاپشاعاي قالالارىندا بوس وكرۋگتەردىڭ بولماۋىنا بايلانىستى اۋىلدىق وكرۋگ اكىمدەرىن سايلاۋ وتكىزىلمەيدى. بۇگىنگى كۇنى اكىمدىككە 243 كانديدات ۇسىنىلدى، ونىڭ ىشىندە 167 - ءوزىن - ءوزى ۇسىنعان، 57 - كانديداتتى «Nur Otan» پارتياسى، 13 – «ادال» پارتياسى، 3 – «اۋىل» حدپپ، 3-عپك ۇسىندى.
كانديداتتاردىڭ اراسىندا مەملەكەتتىك قىزمەتشىلەر، كوممەرسيالىق قۇرىلىمداردىڭ وكىلدەرى، بيۋدجەتتىك ۇيىمداردىڭ قىزمەتكەرلەرى، ۋاقىتشا جۇمىس ىستەمەيتىن قوعامدىق بىرلەستىكتەردىڭ قىزمەتكەرلەرى جانە باسقالار بار. وبلىستىڭ اۋماقتىق سايلاۋ كوميسسيالارى 188 كانديداتتىڭ قويىلاتىن تالاپتارعا سايكەستىگىن انىقتادى، 9 كانديدات سايكەس كەلمەيدى. بۇگىنگى تاڭدا ءبىر ادام ءوز كانديداتۋراسىن الىپ تاستادى.
سايلاۋعا 220 مىڭنان استام ادام قاتىسۋدى جوسپارلاپ وتىر. بارلىعى 17 اۋماقتىق جانە 198 ۋچاسكەلىك سايلاۋ كوميسسيالارى، 1451 سايلاۋ كوميسسيالارىنىڭ مۇشەلەرى جۇمىلدىرىلدى. ەستەرىڭىزگە سالا كەتەيىك، اكىمدىككە كانديداتتاردى ۇسىنۋ 9 شىلدەگە دەيىن اياقتالادى. كانديداتتاردى تىركەۋ 14 شىلدە كۇنى ساعات 18.00-گە دەيىن جالعاسادى.