الماتىنىڭ №4 قالالىق پەرزەنتحاناسىنىڭ مەديسينا قىزمەتكەرلەرى جۇمىس ورنىن I Love KZ سانىندە بەزەندىردى، دەپ حابارلايدى AqshamNews.kz ءتىلشىسى.
قازاقستان رەسپۋبليكاسى تاۋەلسىزدىگىنىڭ 34 جىلدىعىنا وراي، پەرزەنتحاناعا اياق باسقان ساتتەن-اق ءار ايەل مەرەكەنىڭ ەرەكشە اتموسفەراسىن سەزىنەسىز. مەملەكەتتىك رامىزدەر قابىلداۋ بولىمىنەن قارسى الىپ، اكۋشەرلەر كوگىلدىر تۇسكە ساندەلگەن بەزەندىرۋ اياسىندا كەلۋشىلەردى ماقتانىشپەن قابىلداپ جاتىر.
بوسانۋ ءبولىمى، بالالار ءبولىمى، پاتولوگيا ءبولىمى جانە بوسانۋدان كەيىنگى ءبولىم – ءار جۇمىس ورنىندا ەلىمىزدىڭ مەملەكەتتىك رامىزدەرى ىجداعاتپەن ورنالاستىرىلعان.
«جىل وتكەن سايىن تاۋەلسىزدىك كۇنى باسقاشا، ەرەكشە سەزىلەدى. ءبىز ءبارىمىز ەلىمىزدىڭ جارقىن بولاشاعى ءۇشىن قىزمەت ەتەمىز. كۇن سايىن كوز الدىمىزدا قازاقستاننىڭ جاڭا ازاماتتارى دۇنيەگە كەلەدى. مەرەكە قارساڭىندا، سودان كەيىن دە دۇنيەگە كەلگەن سابيلەردىڭ اناسى بۇل ءساتتى ەرەكشە جىلۋلىقپەن ەسكە الادى. وتباسىنداعى ەڭ ماڭىزدى وقيعا تاۋەلسىزدىك كۇنىندە ورىن العانىن ماقتانىشپەن ايتادى»، – دەپ ءتۇسىندىردى بۇل يدەيانى پەرزەنتحانانىڭ اكۋشەر-گينەكولوگى اينۇر يمانقۇلوۆا.
ايتا كەتەيىك، رەسپۋبليكا كۇنىنە وراي الماتىنىڭ №4 قالالىق پەرزەنتحاناسىندا نارەستەلەرگە I love KZ سانىندەگى ارنايى برەندتەلگەن كيىم سىيعا تارتىلعان بولاتىن.