بۇعان دەيىن الماتىنىڭ قالا قۇرىلىسىن باقىلاۋ باسقارماسى نۇر-الاتاۋ شاعىن اۋدانى، ق. تاۋاسار ۇلى كوشەسى، 71/21 مەكەنجايىندا ورنالاسقان ءبىر جەر تەلىمىندەگى 3 قاباتتى ەكى ءۇيدىڭ بۇزىلعانى تۋرالى حابارلاعان بولاتىن.
جوسپاردان تىس تەكسەرىس بارىسىندا بۇل نىسانداردىڭ رۇقساتسىز سالىنعانى انىقتالعان. وسىعان بايلانىستى مەنشىك يەلەرىنە (جەكە تۇلعالارعا) اكىمشىلىك شارالار قولدانىلعان.
كەيىن بۇل ءىس بويىنشا ۇزاققا سوزىلعان سوت پروسەسى ءجۇرىپ، 2024 جىلدىڭ 31 قاڭتارىندا الماتى سوتىنىڭ قاۋلىسىمەن اۋداندىق سوتتىڭ نىسانداردى بۇزۋ تۋرالى شەشىمى كۇشىندە قالدى.
سوت شەشىمىن ورىنداۋ ماقساتىندا مەنشىك يەلەرى باستاپقىدا نىساندى ءوز ەركىمەن بۇزا باستاعان. الايدا كەيىن بۇل جۇمىستاردىڭ تولىق اياقتالماعانى بەلگىلى بولدى. قازىرگى ۋاقىتتا عيماراتتار سوت ورىنداۋشىلارىنىڭ قاتىسۋىمەن ءماجبۇرلى تۇردە بۇزىلىپ جاتىر.
ايتا كەتەيىك، الماتى اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ جونىندەگى تاپسىرماسىنا سايكەس، 2023 جىلدىڭ باسىنان بەرى قالادا 74 زاڭسىز سالىنعان نىسان تولىق نەمەسە جارتىلاي بۇزىلعان. ولاردىڭ قاتارىندا تۇرعىن ءۇي كەشەندەرى، ساۋدا ورىندارى مەن ءوز بەتىنشە تۇرعىزىلعان قۇرىلىستار بار.