وسى اپتادا قالامىزدا بولعان ماڭىزدى جاڭالىقتارعا شولۋ.
زاماناۋي شەشىم
«Alatau Aqparat» مەدياحولدينگىندە زاماناۋي پودكاست ستۋدياسىنىڭ اشىلۋ سالتاناتى ءوتتى. ءىس-شاراعا بەلگىلى مەديامەنەدجەرلەر، تەلەارنالار مەن ب ا ق باسشىلارى، بلوگەرلەر، يۋتيۋبەرلەر مەن كاسىپكەرلەر، سەرىكتەس ۇجىم وكىلدەرى قاتىستى. جوبانىڭ باستى ماقساتى – ءداستۇرلى جانە جاڭا مەديانى ۇشتاستىرا وتىرىپ، كەڭ اۋديتورياعا ءارتۇرلى فورماتتا ساپالى كونتەنت ۇسىنىپ، وتاندىق مەديا سالانى دامىتۋعا ۇلەس قوسۋ. زاماناۋي تەحنيكالارمەن جابدىقتالعان بۇل الاڭ – شىعارماشىلىق جوبالارعا سەرپىن بەرىپ، جاس مامانداردى دايارلاۋعا، اقپارات كەڭىستىگىندە جاڭا يدەيالاردى جۇزەگە اسىرۋعا مۇمكىندىك بەرەدى.
اشىلۋ سالتاناتىندا «Alatau Aqparat» مەدياحولدينگىنىڭ باس ديرەكتورى ەرجان قالىمباي ۇلى «ستۋديانى قوعامداعى وزەكتى ماسەلەلەردى تالقىلايتىن، ساراپتامالىق پىكىرلەر مەن ەكسكليۋزيۆتى سۇحباتتار ۇسىناتىن مازمۇندى الاڭعا اينالدىرۋدى ماقسات ەتىپ وتىرمىز. پودكاستتار اۋديتوريانىڭ اقپارات تۇتىنۋ داعدىسىنا ساي ازىرلەنىپ، اشىق، ەركىن ءارى تارتىمدى فورماتتا ۇسىنىلادى. باستى ماقسات – اقپاراتتى ساپالى، سەنىمدى، ناقتى ءارى قىزىقتى ەتۋ»، - دەدى.
العاشقى رەيس الماتىدان باستالادى
Air Arabia Abu Dhabi اۋەكومپانياسىنىڭ رەيستەرى 1 ماۋسىمنان باستاپ قازاقستانعا قاتىنايدى. جاڭا كومپانيا "ابۋ-دابي – الماتى" باعىتى بويىنشا اپتاسىنا ءۇش رەت – سەيسەنبى، جۇما جانە جەكسەنبى كۇندەرى تىكەلەي رەيستەرىن ورىنداۋعا مۇددەلى.
جەدەل جاردەمگە جول بەر!
22 ءساۋىر كۇنى ساعات 15:30-دا ترۋدوۆايا جانە ءاشىموۆ كوشەلەرىنىڭ قيىلىسىندا جول ەرەجەسىن بۇزۋ دەرەگى انىقتالدى. Toyota كولىگىنىڭ جۇرگىزۋشىسى جىپىلىقتايتىن شامدارى قوسىلىپ تۇرعان جەدەل جاردەم كولىگىنە جول بەرمەگەن. جۇرگىزۋشى ايەل جاۋاپكەرشىلىككە تارتىلدى.
زاڭعا باعىنباساڭ، زارىن تارتاسىڭ!
الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆتىڭ ايتۋىنشا، 5 ساۋىردەن بەرى 1،5 مىڭنان استام موپەد جۇرگىزۋشىسى ءتۇرلى قۇقىق بۇزۋشىلىقتار ءۇشىن جاۋاپقا تارتىلىپ، 500-دەن استام كولىك ايىپپۇل تۇراعىنا قويىلعان. پوليسيا موپەدتى تىركەۋسىز، جۇرگىزۋشى كۋالىگىنسىز جانە قورعانىس قۇرالدارىنسىز جۇرگىزۋ زاڭمەن جازالاناتىنىن ەسكەرتەدى. باستى ماقسات – جول قوزعالىسى قاۋىپسىزدىگىن قامتاماسىز ەتىپ، ازاماتتاردىڭ قۇقىقتىق ساناسىن ارتتىرۋ.
ەكى كوزىڭ – شىراعىڭ
الماتى ورتالىق قالالىق كلينيكالىق اۋرۋحاناسىندا العاش رەت دونورلىق نۇرلى قابىقتى الماستىرۋ وتاسى جاسالدى. IV دارەجەلى كەراتوكونۋس دياگنوزى قويىلعان ناۋقاس جوعارى تەحنولوگيالىق ارالاسۋدىڭ ارقاسىندا كوزدىڭ كورۋىن قالپىنا كەلتىرۋگە مۇمكىندىك الدى. وتا ءساتتى ءوتتى جانە ناۋقاس قالپىنا كەلىپ جاتىر.
بازارعا بارىپ، باعىڭدى سىنا!
دەمالىس جارمەڭكەلەرىنە قاتىسۋشىلار كوبەيدى. الماتىداعى دەمالىس كۇندەرى وتەتىن جارمەڭكەلەرگە 300-دەن استام اۋىل شارۋاشىلىعى وندىرۋشىلەرى قاتىسىپ جاتىر. الماتىدا دەمالىس كۇنى جارمەڭكەلەرىنە قاتىسۋشىلار سانى 317-گە جەتتى. جارمەڭكەلەرگە اپتا سايىن 45000-نان استام ادام قاتىسادى. ساتىلىمدا جاڭا سويىلعان مال ەتى، جۇمىرتقا، كوكونىستەر، جەمىستەر، اشىتىلعان ءسۇت ونىمدەرى، شۇجىقتار، بال جانە باسقا دا تاۋارلار بار. جالپى تاۋار ءتۇرى 1000 اتاۋدان اسادى.
بالالار قاۋىپسىزدىگى باستى ورىندا
الماتىدا "ءقاۋىپسىز جول" اكسياسى اياسىندا 20 كوشەگە جول تاڭبالارى سىزىلىپ، بالالاردىڭ قاۋىپسىزدىگى كۇشەيتىلدى. ءىس-شارانىڭ نەگىزگى ماقساتى – بارلىق جول قوزعالىسىنا قاتىسۋشىلار، اسىرەسە بالالار ءۇشىن ءقاۋىپسىز جاعداي قالىپتاستىرۋ. الماتى قالالىق پوليسيا دەپارتامەنتىنىڭ اكىمشىلىك پوليسيا باسقارماسى باستىعى اسحات قۇلبايەۆتىڭ ايتۋىنشا، جىل باسىنان بەرى قالادا 1 000-نان استام جاڭا جول بەلگىلەرى ورناتىلىپ، توزىعى جەتكەن 352 بەلگى جاڭاسىنا اۋىستىرىلعان.
«الماتىنىڭ جاس جازۋشىسى – 2025» بايقاۋىنىڭ جەڭىمپازدارى ماراپاتتالدى
قازاق تىلىندەگى شىعارمالار اراسىنان ۇزدىك دەپ تانىلعان شىعارما – اباي اتىنداعى دارىندى بالالارعا ارنالعان مەكتەپ-ينتەرناتىنىڭ وقۋشىسى شىرايلىم ايبەك قىزىنىڭ تۋىندىسى. ول ءوز اڭگىمەسىن ساپارعالي بەگاليننىڭ «الدانعان جولبارىس» اتتى شىعارماسىنىڭ نەگىزىندە جازعان. ال ورىس تىلىندەگى جۇمىستاردىڭ ىشىندە ەڭ جوعارى باعانى №52 جالپى ءبىلىم بەرەتىن مەكتەپتىڭ وقۋشىسى رەنات بەككۋلوۆتىڭ «ۆولشەبنوە پۋتەشەستۆيە ۆ مير ساپارگالي بەگالينا» اتتى شىعارماسى يەلەندى.
الماتى قالاسىنىڭ اكىمى الاتاۋ اۋدانىنىڭ حالقىمەن كەزدەستى
بيىل الاتاۋ اۋدانىنىڭ بيۋدجەتى 30%-عا وسكەن. اۋداندا تاعى ءبىر دارىگەرلىك امبۋلاتوريا اشىلادى. جاڭا وقۋ جىلىندا تەرەكتى، سامعاۋ، قاراسۋ جانە اقبۇلاق شاعىن اۋداندارىندا بەس مەكتەپ اشۋ جوسپارلانعان. سونىمەن قاتار بيىل 18 شاعىن اۋداندا 81 كم جول جوندەۋ جوسپارلانعان.
سۋدىڭ دا سۇراۋى بار
جىل سوڭىنا دەيىن تۇرعىنداردىڭ 90%-ى سۋ ەسەپتەگىشكە كوشەدى. الماتىدا سۋ ەسەپتەۋ جۇيەسىن جاڭعىرتۋ جۇمىستارى قارقىن العان. قالا اكىمى ەربولات دوسايەۆتىڭ ايتۋىنشا، بۇگىندە قالادا قولجەتىمدى ءارى ساپالى ەسەپتەگىشتەردى ۇسىناتىن 20 كومپانيا جۇمىس ىستەيدى. ءقازىر ەسەپتەگىش ورناتۋ باعاسى جاعىنان دا، قولجەتىمدىلىك تۇرعىسىنان دا قيىندىق تۋعىزبايدى.
ۇلتتىق كىتاپ كۇنى قالامىزدا قالاي اتاپ ءوتىلدى؟
23 ءساۋىر – قازاقستاندا ۇلتتىق كىتاپ كۇنى. بۇل كۇن كىتاپ وقۋ مەن ادەبي مادەنيەتتى دامىتۋدىڭ ماڭىزدىلىعى ايقىندايتىن مەرەكە بولىپ تابىلادى. الماتىدا وسى كۇنگە وراي كىتاپحانا ءىسىن قولداۋعا، جاستاردىڭ شىعارماشىلىق الەۋەتىن دامىتۋعا جانە كىتاپتى ءبىلىم مەن ءوزىن-وزى دامىتۋدىڭ باستى قۇرالى رەتىندە ناسيحاتتاۋعا باعىتتالعان بىرنەشە ءىرى ءىس-شارا ءوتءتى.