جاڭا ۇرپاق ينتەرۆەنسيالىق كارديولوگياسى: الماتى قكو TAVI تاجىريبەسىن ءبولىستى
الماتى قالالىق كارديولوگيالىق ورتالىعىندا اورتالىق قاقپاقشانى ترانسكاتەتەرلىك جولمەن اۋىستىرۋ (TAVI) بويىنشا ماستەر-كلاسس ءوتتى، دەپ حابارلايدى aqshamnews.kz
شۆەسيادان كەلگەن بەلگىلى مامان، كارولينسكا ۋنيۆەرسيتەتىنىڭ پروفەسسورى ناۋزاد سالەح ءوز تاجىريبەسىن ءبولىستى.
وقىتۋ بارىسىندا ءۇش TAVI وتاسى ءساتتى ورىندالدى. بۇل تاجىريبە دارىگەرلەرگە وزىق تەحنولوگيانى قولدانۋ ارقىلى زاماناۋي ءادىستىڭ قىر-سىرىن مەڭگەرۋگە جانە حالىقارالىق ستاندارتتارعا ساي ماشىعىن شىڭداۋعا مۇمكىندىك بەردى.
TAVI (Transcatheter Aortic Valve Implantation) - قولقا قاقپاقشاسىن ءداستۇرلى اشىق ادىسپەن الماستىرۋعا بالاما رەتىندە ۇسىنىلاتىن شاعىن ءينۆازيۆتى پروسەدۋرا.
بۇل ءادىس اۋىر اورتالىق ستەنوزى بار، ءداستۇرلى وتا جاساۋعا قارسى كورسەتىلىمى بار ناۋقاستارعا، اسىرەسە جاسى ۇلكەن نەمەسە قاتار جۇرەتىن اۋرۋلارى بار ادامدارعا ۇسىنىلادى.
TAVIء-دىڭ باستى ارتىقشىلىعىنىڭ ءبىرى - وڭالتۋ كەزەڭىنىڭ قىسقا بولۋى جانە وتادان كەيىنگى اسقىنۋ ءقاۋپىنىڭ تومەندىگى.
قالالىق كارديولوگيالىق ورتالىق ديرەكتورىنىڭ ورىنباسارى امينا راكيشيەۆانىڭ ايتۋىنشا، بۇل وتا ەڭ الدىمەن جۇرەك-قان تامىرلارى اۋرۋىمەن ۇزاق اۋىراتىن ناۋقاستار ءۇشىن ماڭىزدى. «بۇل - جىلدار بويى سىرقاتپەن كۇرەسىپ، بىرنەشە رەت ەم قابىلداعان، اۋرۋحاناعا تۇسكەن، ءبىراق ۇنەمى كۇتكەن ناتيجەگە قول جەتكىزە الماعان پاسيەنتتەر. TAVI ءادىسى اسىرەسە 70 جاستان اسقان جاندارعا ءتيىمدى، سەبەبى ولارعا ءقاۋىپسىز ءارى جۇمساق ەم الۋ مۇمكىندىگىن بەرەدى»، - دەيدى ول.
بۇل پروفەسسور سالەحتىڭ الماتى قالالىق كارديولوگيالىق ورتالىعىندا وتكىزگەن TAVI بويىنشا ەكىنشى ماستەر-كلاسى. العاشقىسى 2024 جىلدىڭ جەلتوقسانىندا ءوتىپ، ونىڭ بارىسىندا ءتورت وتا جاسالعان بولاتىن.
سول كەزدە ورتالىق ديرەكتورى روزا قۋانىشبەكوۆا ارالاسۋدان كەيىنگى العاشقى كۇندەردىڭ وزىندە پاسيەنتتەردىڭ جاعدايى ەداۋىر جاقسارعانىن اتاپ وتكەن.
«مۇنداي شارا قالالىق كارديوورتالىقتىڭ حالىقارالىق ينتەرۆەنسيالىق كارديولوگيا كەڭىستىگىندەگى بەدەلىن ارتتىرىپ، جوعارى تەحنولوگيالىق مەديسينالىق كومەكتى زاماناۋي ستاندارتتارعا ساي دامىتۋعا جول اشادى»، – دەپ تۇيىندەدى امينا راكيشيەۆا.