200-گە جۋىق ءوتىنىم كەلىپ ءتۇستى، ونىڭ ىشىندە 1700 كوشەت الۋعا 133 ءوتىنىم ماقۇلداندى.
الماتى قالاسىنىڭ ەكولوگيا جانە قورشاعان ورتانى قورعاۋ باسقارماسى «جاسىل اۋلا» ءداستۇرلى اكسياسىن قورىتىندىلادى، دەپ حابارلايدى Almaty-akshamy.kz
الماتىلىقتاردان بارلىعى 200-گە جۋىق ءوتىنىم كەلىپ ءتۇستى، ونىڭ ىشىندە 1700 كوشەت الۋعا 133 ءوتىنىم ماقۇلداندى.
بوستاندىق، ناۋرىزباي جانە الاتاۋ اۋدانىنىڭ تۇرعىندارى اسا بەلسەندىلىك تانىتتى. ەكولوگيا جانە قورشاعان ورتا باسقارماسىنىڭ ماماندارى وتىنىشتەر بويىنشا كوشەتتەردى تاراتۋ جۇمىستارىنا كىرىسىپ كەتتى.
ەسكە سالساق، بۇعان دەيىن الماتىدا قالا تۇرعىندارىنا كوشەت تاراتۋ بويىنشا «جاسىل اۋلا» اكسياسىنىڭ باستالعانى تۋرالى حابارلانعان بولاتىن. قالادا كوپقاباتتى ۇيلەر اۋلاسى مەن قوعامدىق كەڭىستىكتەردى كوگالداندىرۋعا نيەتتى الماتىلىقتارعا شاعان، ۇيەڭكى، شەگىرشىن، تەرەك، قاراعان مەن قايىڭنىڭ كوشەتتەرىن تەگىن الۋعا مۇمكىندىك بەرىلدى.
اعاش وتىرعىزۋ جۇمىستارىن 2022 جىلدىڭ 27 قازاننان باستاپ جۇرگىزىلەدى كوشەتتەردى تاراتۋ 3 قاراشاعا دەيىن كەلەسى مەكەنجاي بويىنشا جۇزەگە اسىرىلادى: الماتى ق.، الاتاۋ اۋدانى، ۇلجان-2 شاعىن اۋدانى، بەرتايىزى ك-سى، 24.
كوشەتتەردى وتىرعىزعاننان سوڭ ولاردىڭ فوتوەسەپتەرىن جىبەرۋ قاجەت.
