الماتىدا جۋرناليستيكا فاكۋلتەتىندە وقيتىن ستۋدەنتتەر اراسىندا بايقاۋ جاريالاندى.
الماتى قالاسىنىڭ وڭىرلىك كوممۋنيكاسيالار قىزمەتى «الماتى: ارمان مەن شىعارماشىلىق قالاسى» تاقىرىبىنا ارنالعان ۇزدىك فوتو جانە بەينەماتەريالدار بايقاۋىنا قاتىسۋعا شاقىرادى.
بۇل بايقاۋدىڭ ماقساتى – دارىندى ستۋدەنتتەردى انىقتاپ، قولداۋ كورسەتىپ، سونداي-اق بولاشاق جۋرناليستەر مەن مەديا-مامانداردىڭ كاسىبي تۇرعىدا دامۋىنا سەپ بولۋ.
بايقاۋعا قابىلداناتىن جۇمىستار:
ماتەريالدار قازاق جانە ورىس تىلدەرىندە قابىلدانادى.
- فوتوسەريا نەمەسە جەكە سۋرەت – قالانىڭ ءومىرى، تۇرعىندارى مەن وقيعالار تۋرالى كادرلار (ءبىر سەريادا 10 كادرعا دەيىن نەمەسە ءبىر جوعارى ساپالى فوتو).
- بەينەسيۋجەت نەمەسە قىسقامەتراجدى ۆيدەو – وقيعانى ديناميكادا بايانداۋ (ۇزاقتىعى 2 مينۋتقا دەيىن).
- رەپورتاج – وقيعانى اتموسفەراسىمەن جەتكىزۋ.
- شىعارماشىلىق روليك نەمەسە بەينەكورىنىس – قالاعا كوركەم كوزقاراس.
تالاپتار:
- جۇمىس ءتۇپنۇسقا ءارى اۆتوردىڭ جەكە جۇمىسى بولۋعا ءتيىس.
- تاقىرىپ – الەۋمەتتىك ماڭىزى بار، وزەكتى نەمەسە قالا ومىرىمەن بايلانىستى بولۋى كەرەك.
- فوتو – JPEG/PNG فورماتىندا (جوعارى ساپادا).
- ۆيدەو – MP4 فورماتىندا، ۇزاقتىعى 2 مينۋتقا دەيىن.
باعالاۋ كريتەرييلەرى:
1. تاقىرىپتىڭ وزەكتىلىگى
2. ۆيزۋالدى ورىندالۋ ساپاسى
3. كاسىبي دەڭگەيى (مونتاج، كومپوزيسيا، كادر)
4. شىعارماشىلىق كوزقاراس جانە يدەيانىڭ ءتۇپنۇسقالىعى
قاتىسۋ شارتتارى:
- ۇمىتكەرلەر – الماتىداعى ۋنيۆەرسيتەتتەردەگى جۋرناليستيكا فاكۋلتەتىنىڭ ستۋدەنتتەرى.
- بايقاۋ كوميسسياسى تۇسكەن جۇمىستاردى 10 نوميناسيا بويىنشا باعالايدى:
1. الماتى بەينەلەرى – قالانىڭ تۇرعىندارى تۋرالى ۇزدىك فوتو نەمەسە بەينەماتەريال
2. قوزعالىستاعى قالا – كولىك، ۋربانيستيكا جانە الماتىنىڭ دامۋى
3. مادەني الماتى – وقيعالار، ونەر مەن شىعارماشىلىق ءومىر
4. الماتى جاستارى – ستۋدەنتتىك ءومىر مەن جاستاردىڭ باستاماسى
5. سپورتتى قالا – سپورت، جەتىستىكتەر جانە بۇقارالىق ءىس-شارالار
6. كوككە ورانعان قالا – تابيعات پەن ەكولوگيالىق جوبالار
7. تاريح پەن جاد – مۇرا، داستۇرلەر مەن ەسكەرتكىشتەر
8. الماتىداعى تۋريزم – تۋريزم مەن قوناقجاي قالا تۋرالى
9. بولاشاق قالاسى – يننوۆاسيالار، ارمان مەن دامۋ پەرسپەكتيۆالارى
10. كوشەنىڭ ءۇنى – قالانىڭ اۋداندارى مەن تۇرعىندارىنىڭ كۇندەلىكتى ءومىرى
ماڭىزدى:
• جۇمىستار مىندەتتى تۇردە اۆتورلىق بولۋعا ءتيىس.
• جاساندى ينتەللەكت كومەگىمەن جاسالعان نەمەسە باسقا دەرەككوزدەردەن الىنعان ماتەريالدار قابىلدانبايدى.
• فوتو مەن بەينەماتەريالدار Telegram ارقىلى مىنا نومىرگە جىبەرىلۋى ءتيىس: 8 701 993 11 13
قورىتىندى ماراپاتتاۋ ءراسىمى: 2025 جىلعى 17 قىركۇيەكتە الماتى قالاسىندا وتەدى.
جۇمىستاردى قابىلداۋ مەرزىمى: 2025 جىلعى 15 قىركۇيەككە دەيىن.