قىز وقيعانىڭ ءمان-جايىن ايتىپ بەردى
الماتى تۇرعىنى بۇرىنعى جىگىتى ۇرىپ-سوعىپ، اڭدىپ جۇرگەنىن ايتىپ شاعىمداندى. ونىڭ ايتۋىنشا، ول ارنايى قىزمەتتە جۇمىس ىستەگەن، - دەپ حابارلايدى Almaty-akshamy.kz
«مەنى بۇرىنعى جىگىتىم ۇردى، ارىز جازدىم، سوسىن اكەمدى ۇرىپ كەتتى، ءوزى جوعارىدا وتىرعان اعالارىنىڭ تاساسىندا ءجۇر، بۇل قىزمەتكەر تۋرالى ءبارى ءبىلسىن، بۇل ءبىرىنشى رەت ۇرىپ-سوعۋى ەمەس، مەنى ءجيى قورقىتىپ-ۇركىتەدى، كومەكتەسۋدى سۇرايمىن»، - دەپ جازدى توعجان.
ونىڭ ايتۋىنشا، ول بۇرىنعى عاشىعىمەن جارتى جىل كەزدەسكەن. ول 2023 جىلدىڭ قاڭتارىنان باستاپ جۇيەلى تۇردە ۇرىپ-سوققانىن ايتادى، دەپ جازدى Massaget.kz..
«ول مەنى بۇگىنگە دەيىن جەتى رەت ۇردى، سودان كەيىن ونىمەن اجىراسىپ كەتتىك، ول مەنى مانياك سياقتى اڭدي باستادى، جولدا ۇستاپ الىپ، ۇرىپ-سوعادى، جۇمىسقا جانە ۇيگە كەلەدى، بارىق جەرىم كوگەرگەن، ىسىگەن، قان، بۇعان دەيىن مەن ودان قورقىپ، پوليسياعا بارعان جوقپىن. 16 ماۋسىمدا ساعات 22:30 ساين-اسقاروۆ اۆتوتۇراعىندا مەنى تاعى ۇردى. ول مەنىڭ بەتىمنەن ۇرىپ، اياعىمنان تەپتى، بۇدان ءتىپتى بۇتىما جىبەرىپ قويدىم، سودان كەيىن مەنى پاتەرگە اپاردى، سول جەردە تاعى ۇردى جانە مەنى ءوز ەركىمنەن تىس زاڭسىز ۇستادى، ەكى ساعات بويى جىبەرمەدى. مەن ءوز ءومىرىم ءۇشىن قورقامىن!»، - دەپ جازدى جابىرلەنۋشى.
سۋرەتتى جابىرلەنۋشى قىز ۇسىنعان
18 ماۋسىمدا قىزدىڭ ايتۋىنشا، بۇرىنعى جىگىتى اكەسىن قان-جوسا قىلىپ ۇرىپ-سوققان.
«ول ۇنەمى ءوز وكىلەتىن پايدالانادى، اعالارى - گەنەرال جانە سۋديا، جوعارى لاۋازىمدى ادامدارمەن ءبارىن شەشەمىن دەپ قورقىتادى. ول مەنى تۇرعان جەرىم بويىنشا تاۋىپ الادى، حابارلامالارىمدى وقيدى، جۇرگەن جەرىمنەن ۇستاپ الادى»، - دەيدى توعجان.
كەزەكتى ۇرىپ-سوعۋ وقيعاسىنان كەيىن قىز پوليسياعا ارىز جازعان.
الماتى قالاسىنىڭ اكىمشىلىك سوتىندا ق ر اقبتك-نىڭ 73-1 بابى «دەنساۋلىققا قاساقانا جەڭىل زيان كەلتىرۋ» بويىنشا بۇل قىزدى سوققىعا جىعۋ ءىسى قارالعانى بەلگىلى بولدى. 3 شىلدەدە الماتى قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىنىڭ قاۋلىسى بويىنشا، قىزدىڭ ۋاقىتشا ەڭبەككە جارامسىز بولۋىنا اكەلىپ سوقتىرعان جەڭىل دەنە جاراقاتىن كەلتىرگەن ەر ادامعا 15 اەك (51 750 تەڭگە) كولەمىندە ايىپپۇل سالىنعان.