الماتى قالاسىنىڭ توتەنشە جاعدايلار دەپارتامەنتى ازاماتتاردىڭ قاۋىپسىزدىگىن قامتاماسىز ەتۋ ماقساتىندا روجدەستۆو مەرەكەسىنە كۇنى بۇرىن دايىندالدى. 6 قاڭتاردان 7 قاڭتارعا قاراعان ءتۇنى قالا اۋماعىنداعى 13 نىساندا قۇتقارۋشىلار مەن ءورت سوندىرۋشىلەر كەزەكشىلىك ەتەدى. بۇل تۋرالى الماتى قالاسىنىڭ وڭىرلىك كوممۋنيكاسيالار قىزمەتى الاڭىندا الماتى قالاسى توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسى باستىعىنىڭ ورىنباسارى ەركەبۇلان جۇماتايەۆ حابارلادى.
تجد قىزمەتكەرلەرى بارلىق نىساندى الدىن الا تەكسەرىپ شىعىپ، نۇسقاۋلىق جۇمىستارىن جۇرگىزدى. ءار اۋداندىق بولىمشە ءوز اۋماعىندا ءورت قاۋىپسىزدىگىن قامتاماسىز ەتىپ، ادام كوپ جينالاتىن جەرلەردە ءتارتىپ پەن قاۋىپسىزدىك تالاپتارىنىڭ ساقتالۋىن باقىلاۋدا ۇستايدى.
دەپارتامەنت ازاماتتاردى ءدىني ءراسىم وتەتىن نىسانداردى ارالاۋ كەزىندە قاۋىپسىزدىكتى بارىنشا ساقتاۋعا شاقىرادى:
• اشىق وت قولدانىلاتىن شام ۇستاعىشتاردى، شامدار مەن باسقا دا قۇرالداردى جانبايتىنداي ەتىپ، ورنىقتى كۇيدە ورناتۋ؛
• اشىق وتتى ارلەۋ ماتەريالدارىنان، ينتەرەردەن، كيىم-كەشەك پەن جانعىش زاتتاردان كەمىندە 0،5 مەتردەي اۋلاق پايدالانۋ؛
• شىنى كولبالارى زاقىمدالعان شامداردى قولدانباۋ جانە ولاردى جانعىش سۇيىقتىقتاردى پايدالانباي قۇيۋ؛
• عيبادات زالىنىڭ سىيىمدىلىعىن ولاردىڭ اۋدانى مەن ەۆاكۋاسيالاۋ جولدارىنىڭ وتكىزۋ قابىلەتىن ەسكەرە وتىرىپ شەكتەۋ؛
• قارسى باعىتتاعى ادامدار اعىنى قيىلىسپايتىنداي ەتىپ كەلۋشىلەردىڭ قوزعالىسىن ۇيىمداستىرۋ.
«مەرەكەلەر تىنىش ءارى ءقاۋىپسىز ءوتۋى ءۇشىن بار كۇشىمىزدى سالدىق»، - دەيدى دەپارتامەنت وكىلى. سونداي-اق ول قالا تۇرعىندارى مەن قوناقتارىن جاڭا جىلمەن جانە پراۆوسلاۆتاردىڭ الداعى روجدەستۆو مەرەكەسىمەن قۇتتىقتادى.