الماتىلىق قۇتقارۋشىلار حابارسىز كەتكەن ازاماتشانى ىزدەستىرۋدە

جەدەل ىزدەستىرۋ-قۇتقارۋ جۇمىستارىن 30 ادام جۇرگىزىپ جاتىر.

7 شىلدە كۇنى الماتى قۇتقارۋشىلارىنا  حابارسىز كەتكەن ازاماتشانىڭ  اناسى تەلەفون شالىپ، ءوتىنىش بىلدىرگەن. قازىرگى كەزدە ىزدەستىرۋ جۇمىستارى جۇرگىزىلىپ جاتىر، دەپ حابارلايدى Almaty-akshamy.kz.

مامانداردىڭ ايتۋىنشا، 1980 جىلى تۋىلعان ازاماتشا ا.كامييەۆانى سوڭعى رەت ۇلكەن الماتى كولىنىڭ ماڭىندا كورگەن.

 «1980 جىلى تۋىلعان، باو اۋماعىندا حابارسىز كەتكەن ازاماتشا ا.كامييەۆا تۋرالى حابارلاما الماتى قالاسى تجد 112 پۋلتىنە بۇگىن، 7 شىلدەدە، تاڭعى ساعات 09:22-دە ءتۇستى (ءوتىنىش بەرۋشى - قىزدىڭ اناسى. ونىڭ ايتۋىنشا، قىزىن سوڭعى رەت 5 شىلدەدە ۇلكەن الماتى كولىنىڭ ماڭىندا كورگەن. تەلەفونى ۇيدە قالعان»، – دەلىنگەن الماتى قالاسىنىڭ توتەنشە جاعدايلار دەپارتامەنتىنىڭ باسپا ءسوز قىزمەتىنىڭ حابارلاماسىندا.

مامانداردىڭ ايتۋىنشا، جەدەل ىزدەستىرۋ-قۇتقارۋ جۇمىستارىنا 30 ادام، 7 بىرلىك تەحنيكا جىبەرىلگەن، ونىڭ ىشىندە رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى، قۇتقارۋ قىزمەتى 109، ەرىكتىلەر بار.

كۇندىزگى ۋاقىتتا ءىقج-عا پيلوتسىز ۇشۋ اپپاراتتارى ىسكە قوسىلدى. ءىقج جۇرگىزۋگە ارنالعان كۇشتەر كۇشەيتىلۋدە. بولجامدى ىزدەۋ ورنىنا جەتكەندە، قۇتقارۋشىلار ەكى توپقا ءبولىندى. بىرەۋى الماتى «الاگير» اسۋى باعىتىنا قاراي جۇمىلدىرىلدى. ەكىنشى توپ «سوۆەت» شىڭىنا قاراي كەتكەن.