الماتى قالاسى اكىمدىگىنىڭ باستاماسىمەن جانە قازاقستان رەسپۋبليكاسىنىڭ فرانسياداعى ەلشىلىگىنىڭ جانە فرانسيانىڭ ق ر ەلشىلىگىنىڭ قولداۋىمەن انالار مەن بالالاردىڭ دەنساۋلىعىن قورعاۋعا، نەگىزىنەن COVID-19 اسەرى، رەانيماسيالىق شارالاردى باسقارۋ تەتىكتەرى، سونداي-اق نەوناتالدى كۇتۋ ەرەجەلەرى (تۋىلعاننان 28 كۇنگە دەيىنگى كەزەڭ) ارنالعان ونلاين ۆەبينار ءوتتى.
ۆەبينارعا الماتى مەن پاريجدەگى جەتەكشى اۋرۋحانالاردىڭ اكۋشەر-گينەكولوگتارى، نەوناتولوگتارى، انەستەزيولوگ-رەانيماتولوگتارى قاتىستى. پەريناتالدىق كۇتىم سالاسىنداعى فرانسيانىڭ جەتەكشى شەتەلدىك ماماندارى COVID-19 كەزىندە جۇكتى ايەلدەر مەن جاڭا تۋىلعان نارەستەلەردى پەريناتالدى كۇتۋ تاجىريبەلەرىمەن ءبولىستى. تاجىريبە الماسۋ بوساندىراتىن مەديسينالىق ۇيىمداردىڭ پراكتيكالىق دارىگەرلەرىنە، مەديسينالىق ۇيىمداردىڭ باسشىلارىنا جانە الماتى قالاسى قوعامدىق دەنساۋلىق باسقارماسىنا جۇكتى ايەلدەر مەن جاڭا تۋعان نارەستەلەردى كۇتۋدى، ولارعا ساپالى مەديسينالىق كومەك كورسەتۋدى جاقسارتۋعا مۇمكىندىك بەرەدى.
الماتى قالاسى اكىمىنىڭ ورىنباسارى ەرجان باباقۇماروۆ ءوزىنىڭ سوزىندە فرانسيانىڭ قازاقستانداعى ەلشىسى ديدە كانەسسكە جانە فرانسۋز دەنساۋلىق ساقتاۋ ۇيىمى مەن Assistance Publique-Hôpitaux de Paris (AP-HP) ۋنيۆەرسيتەتىنىڭ اۋرۋحانالىق ورتالىعى اۋرۋحاناسى ديرەكتورىنىڭ حالىقارالىق قاتىناستار جونىندەگى ورىنباسارى الەن بەردەگە بىرلەسكەن ءىس-شارالار مەن ۆەبينار ۇيىمداستىرۋدا قولداۋ كورسەتكەنى ءۇشىن العىس ءبىلدىردى. بۇگىندە الماتى ءۇشىن جۇكتى ايەلدەر مەن جاڭا تۋعان نارەستەلەردى كۇتۋ، اسىرەسە، پاندەميا كەزىندە، وتە ماڭىزدى.
الماتىدا وسى باعىتتا انا مەن ءسابي ءولىمىنىڭ الدىن الۋ بويىنشا كەشەندى جوسپار جۇزەگە اسىرىلۋدا. جۇكتى، بوسانعان ايەلدەرگە ۋاقتىلى بىلىكتى كومەك كورسەتۋ ءۇشىن ءموبيلدى توپتار قۇرىلدى جانە جۇمىس ىستەيدى؛ امسك دەڭگەيىندە قالانىڭ كوپسالالى توبى دەڭگەيىندە ءقاۋىپ توبىنداعى جۇكتى ايەلدەر بويىنشا كونسيليۋمدار وتكىزىلەدى.
Port Royal – AP-HP پەريناتالدىق ورتالىعىنىڭ اكۋشەر-گينەكولوگى وليۆيا انسەلەم كوروناۆيرۋستىق ينفەكسيانى جۇقتىرعاننان كەيىن ءار ءتۇرلى جاستاعى جۇكتى ايەلدەر اراسىندا جۇرگىزىلگەن زەرتتەۋدىڭ الدىن-الا ناتيجەلەرىمەن تانىستىردى. كۆي جۇقتىرعان جۇكتى ايەلدەر ءۇشىن اسقىنۋلاردىڭ اراسىندا پرەەكلامپسيا بولۋى مۇمكىن (بۇل جۇكتىلىكتىڭ 20 اپتاسىنان كەيىن داميتىن جانە جوعارى قان قىسىمىمەن (140 جانە / نەمەسە 90 مم رت.ست.-دەن جوعارى)، پروتەينۋريامەن جانە ءجيى ىسىنۋمەن سيپاتتالاتىن جۇكتىلىكتىڭ اسقىنۋى). سونىمەن بىرگە ينفەكسيانىڭ انادان بالاعا جۇعۋ جاعدايلارى تۋىلعانعا دەيىن دە، بوسانعاننان كەيىن دە، ياعني تۋىلعاننان كەيىن دە تىركەلگەن.
سونىمەن قاتار، رەانيماسيالىق شارالاردى باسقارۋ جانە نەوناتالدى كومەك كورسەتۋ ماسەلەلەرى قاراستىرىلدى. دوكتور ەلي حادج پورت رويال جانە پروفەسسور ۆالەري بيران جۇكتى نەمەسە بوساناتىن ايەلدەگى بار اۋرۋلاردى ەسكەرە وتىرىپ، ەمدەۋدىڭ نۇكتەلى ءادىسىن اتاپ ءوتتى.
ۆەبيناردىڭ سوڭىندا قاتىسۋشىلار جۇكتى ايەلدەردىڭ ءقاۋىپ توبىنا جاتاتىندىعىن جانە وسى ساناتتاعىلار، پروفيلاكتيكالىق شارالاردى كۇشەيتۋدىڭ، قاجەت بولسا پسيحولوگيالىق كومەك كورسەتۋدىڭ ماڭىزىن اتاپ ءوتتى. جۇكتى ايەلدەردىڭ دەنساۋلىعىن ساقتاۋ ءۇشىن ءقاۋىپسىز ورتا قاجەت. سوندىقتان ۆيرۋستىڭ اۋا-تامشى جولىمەن جۇعۋىنىڭ الدىن الۋ ءۇشىن جۇكتى ايەلدەردىڭ تۋىستارى مەن دوستارىنا، سونداي-اق بارلىق الماتىلىقتارعا ۆاكسينالانۋ ماسەلەسىن كەيىنگە قالدىرماۋ ۇسىنىلدى.
الماتى قالالىق قوعامدىق دەنساۋلىق باسقارماسىنىڭ باسشىسى ناريمان تابىنبايەۆ اتاپ وتكەندەي، ۆاكسينالاۋمەن مەگاپوليس تۇرعىندارىنىڭ 44%-ى قامتىلعان. بارلىق كەزەڭ ىشىندە 548 مىڭ ادامعا ۆاكسينا ەگىلدى. وتكەن تاۋلىكتەردە 14 066 ادام ۆاكسينا الدى. قالادا مەديسينالىق ۇيىمداردا، مەكتەپتەردە، مادەني جانە سپورتتىق مەكەمەلەردە، بازارلار مەن سوسو 212 ەكپە پۋنكتى (250-گە دەيىن ۇلعايتۋ مۇمكىندىگى بار) جۇمىس ىستەيدى. 1260 ادامنان تۇراتىن 308 ەكپە بريگاداسى جۇمىلدىرىلعان.