الماتىلىق قولونەر شەبەرلەرى قالا تۇرعىندارىنا تەگىن شەبەرلىك ساباقتارىن وتكىزدى.
ىسمەرلەر كيىز باسۋ، ءارتۇرلى سۋۆەنيرلىك بۇيىمدار جاساۋ، اشەكەي ارلەۋدىڭ قىر-سىرىن پاش ەتتى. مىسالى ءجۇندى بوياۋ، ءتۇتۋ سىندى تەحنولوگيالارعا قىزىعۋشىلاردىڭ دەنى جاستار. 8 ناۋرىز حالىقارالىق ايەلدەر كۇنىنە ارنالعان جارمەڭكەدە جيىرماعا جۋىق شەبەرلىك ءتۇرى كورسەتىلدى. ودان بولەك تۇرعىندار اراسىندا قىزىقتار ۆيكتورينالار ۇيىمداستىرىلىپ، دۇرىس جاۋاپ بەرگەندەر باعالى سىيلىقتارعا يە بولدى. مەرەكەلىك شارا كونسەرتكە ۇلاستى.
«بۇل جەردە بىزدە ەكى ساعاتقا جۋىق كونسەرتتىك باعدارلاما بار. ودان بولەك جيىرماعا جۋىق، وزدەرىڭىز كورىپ وتىرسىزدار، ءارتۇرلى زاتتاردان جارمەڭكە ۇيىمداستىرىپ وتىرمىز. سونى ءبىزدىڭ اۋداننىڭ تۇرعىندارىنا، قالانىڭ تۇرعىندارىنا وسى مەرەكەدە وسىنداي ءىس-شارا ۇيىمداستىرىپ، سىيعا تارتقىمىز كەلىپ وتىر»مەدەۋ اۋدانى اكىمىنىڭ ورىنباسارى ايدوس نۇرلىبايەۆ.