يۋنەسكو قازاقستانعا قاراجات ءبولدى

ناقتىراق ايتقاندا، قارجى قازاقستاننىڭ ۇلتتىق داستۇرلەرىن قورعاۋ ءۇشىن ارنالادى.

يۋنەسكو-نىڭ شتاب-پاتەرىندە ماتەريالدىق ەمەس مادەني مۇرانى قورعاۋ جونىندەگى ۇكىمەتارالىق كوميتەتتىڭ ون توعىزىنشى سەسسياسى بيۋروسىنىڭ ءبىرىنشى وتىرىسى ءوتتى، دەپ حابارلايدى Almaty-akshamy.kz.

قازاقستان رەسپۋبليكاسى سىرتقى ىستەر مينيسترلىگىنىڭ حابارلاۋىنشا، وتىرىستار ولار العاش رەت ۇيىمنان قازاقستاندىق جوباعا قارجى ءبولۋدى ۇيعارعان.

قازاقستاننىڭ ءوتىنىشى ماقۇلدانعان ءتورت ءوتىنىشتىڭ ءبىرى بولعانى اتاپ وتىلەدى.

“ەلگە 99،6 مىڭ دوللار ءبولىندى. بۇل اقشا ماتەريالدىق ەمەس مادەني مۇرانىڭ ۇلتتىق ءتىزىمىن جاڭارتۋعا جۇمسالادى. سونىمەن قاتار، يۋنەسكو-نىڭ قاراجاتى قازاقستاننىڭ بەس ايماعىندا ICH قورعاۋ سالاسىنداعى الەۋەتتى ارتتىرۋعا كومەكتەسەدى”، – دەلىنگەن مينيسترلىكتىڭ مالىمەتىندە.

قازاقستاننىڭ يۋنەسكو جانىنداعى تۇراقتى وكىلى اسقار ءابدىراحمانوۆ قورعا كورسەتىلگەن قولداۋى ءۇشىن العىسىن ءبىلدىرىپ، رەسپۋبليكا ءوز اۋماعىندا دا، ودان تىس جەرلەردە دە ادامزاتتىڭ مادەني مۇراسىن قورعاۋعا ءوز ۇلەسىن قوساتىنىنا سەندىرگەنى اتاپ وتىلەدى.

قازاقستانداعى ماتەريالدىق ەمەس مادەني مۇرا نىساندارىنا قازاقشا كۇرەس، كۇي، جىرتقىش قۇستارمەن اڭشىلىق ونەرى، ناۋرىز، ءداستۇرلى اسىق ويىنى جانە باسقا دا كوپتەگەن ۇلتتىق داستۇرلەر جاتادى.