الماتىلىق پوليسەيلەر ستۋدەنتتەرگە ءوزىن-وزى قورعاۋ ادىستەرىن ۇيرەتتى

العاشقى تاجىريبەلىك ساباق №1 الماتى قازاق مەملەكەتتىك گۋمانيتارلىق-پەداگوگيكالىق كوللەدجىندە ءوتتى.

ءىس-شاراعا 250 ستۋدەنت قاتىستى، دەپ حابارلايدى Almaty-akshamy.kz Polisia.kz-كە سىلتەمە جاساپ.

جەكپە-جەكتەن سپورت شەبەرلەرى قىزدارعا ادام ومىرىنە ءقاۋىپ تونگەن جاعدايدا قالاي قورعانۋ كەرەكتىگىن ۇيرەتتى.

 «ءبىز جىل سايىن جۇرگىزەتىن پروفيلاكتيكا ادىستەرىنىڭ ءبىرى - تاجىريبەدە ءوزىن-وزى قورعاۋ ادىستەرىن قولدانۋ. ومىردە ءارتۇرلى جاعدايلار بولادى جانە ءاربىر قىز، ستۋدەنت، كەز كەلگەن ۋاقىتتا قىلمىسكەرگە قارسى تۇرۋى، كوشەدە جالعىز قالعاندا ءوزىن-وزى قورعاي الۋى قاجەت. كەيبىر ءوزىن-وزى قورعاۋ ادىستەرىن ءبىلۋ ءبىر بولەك، ونى ءىس جۇزىندە قولدانۋ مۇلدەم باسقا. بالا ءوزىن-وزى قورعاۋدىڭ تەوريالىق جانە تاجىريبەلىك اسپەكتىلەرىن مەڭگەرگەندىگى وتە ماڭىزدى»، – دەدى الماتى قالاسى پروكۋرورىنىڭ كومەكشىسى گۇلنار جانبەكوۆا.

ساباقتاردى ۇيىمداستىرۋشىلاردىڭ ايتۋىنشا، وسىنداي ترەنينگتەر بارلىق وقۋ ورىندارىندا وتكىزىلىپ جاتىر. باستى ماقسات – ءقاۋىپسىز ىس-ارەكەت داعدىلارىن قالىپتاستىرۋ، كامەلەتكە تولماعاندارعا قاتىستى قۇقىق بۇزۋشىلىقتىڭ الدىن الۋ جانە بولدىرماۋ.

 «سونىمەن قاتار، ستۋدەنتتەرگە كوشەدە، ۇيدە، جولدا، سونداي-اق الەۋمەتتىك جەلىلەردە ءقاۋىپسىز ءجۇرىس-تۇرىس ەرەجەلەرى ءتۇسىندىرىلدى. ءبىز جەكە سۋرەتتەرىن جانە وزدەرى جايلى اقپاراتتى بوتەن ادامدارعا جىبەرۋگە بولمايتىنىن ايتتىق»، – دەدى الماتى قالالىق پد يۋۆەنالدى پوليسيا ءبولىمىنىڭ باستىعى جاننا شونجانوۆا.