وسى جىلدىڭ مامىر ايىندا الماتىلىق ناتاليا لازاريەۆا «ۇزدىك اۋلا» نوميناسياسىنىڭ جەڭىمپازدارىنىڭ ءبىرى اتاندى. ونىڭ يدەياسى بويىنشا اباتتاندىرىلعان قوعامدىق كەڭىستىك كونكۋرستىق كوميسسياعا ۇنادى، ءبىراق جوبا الەۋمەتتىك جەلىلەرگە جاريالانعاننان سوڭ كەڭىنەن تانىلدى، دەپ حابارلايدى اlmaty-akshamy.kz.
ناتاليا اۋلانى اباتتاندىرۋ يدەياسىن كورشىلەرىمەن بىرگە 2020 جىلى قولعا العاندارىن ايتتى: تۇرعىندار جاسىل جەلەك ءوسىرىپ، ميكسبوردەر اراسىنا بورديۋرلەر جاسادى. 
وسىدان كەيىن اۋلا تۇرعىندارى «حالىقا قاتىساتىن بيۋدجەت» باعدارلاماسىن پايدالاندى.
«مەن جوسپار قۇردىم، بىزدە سارقىراماسى بار الپىلىك توبەشىك بولعانىن قالايمىن. ءوزىم قالايتىن اۋلانىڭ ەسكيزىن جاسادىم»، - دەدى ناتاليا لازاريەۆا.
ءوتىنىم ماقۇلدانعاننان كەيىن، المالى اۋدانى اكىمدىگىنىڭ تاپسىرىسى بويىنشا 2023 جىلى اۋلادا مەردىگەر جارىقتاندىرۋ، رەزەڭكە جابىن ورناتتى، الپىلىك توبەشىك جاراقتاندىرىلدى، توسەنىشتەر پايدا بولدى، اۋلا كوگالداندىرىلدى، كىشى ساۋلەت پىشىندەرى قويىلدى، اۆتوسۋارۋ ىسكە قوسىلدى. 
«بيىل ءبىز «ەڭ ۇزدىك اۋلا، جاسىل جەلەك، كوممۋنالدىق قىزمەتكەر» بايقاۋىنا قاتىستىق، ويتكەنى بىزدە ەڭ اۋلامىز ەڭ ۇزدىك دەپ ەسەپتەدىك. بۇل مەنىڭ ءحوببيىم. شابىتىم وياندى، ءىستى قولعا الدىم»، - دەدى ناتاليا لازاريەۆا بايقاۋدا قالاي جەڭىسكە جەتكەنى تۋرالى.
ەستەرىڭىزگە سالا كەتەيىك، «ۇزدىك اۋلجاسىل جەلەك، كوممۋنالدىق قىزمەتكەرى» بايقاۋى «الماتى – ءبىزدىڭ ورتاق ءۇيىمىز» ناۋقانى جانە «تازا قازاقستان» رەسپۋبليكالىق اكسياسى اياسىندا ءوتتى.
500 مىڭ تەڭگەلىك سەرتيفيكاتقا قالا تۇرعىندارى اۋلاعا كۇتىم جاساۋ جابدىقتارىن ساتىپ الدى.
جاقىندا الماتىلىق ۆلاديسلاۆ پريتۋلياك Instagram پاراقشاسىندا بەينەروليك جاريالادى. ونىڭ ايتۋىنشا، ول الماتىدا ەڭ ادەمى اۋلانى تاپتى، ول «حالىق قاتىساتىن بيۋدجەت» باعدارلاماسى بويىنشا اباتتاندىرىلعان ناتاليا لازاريەۆانىڭ اۋلاسى بولعانى تاڭقالارلىق ەمەس. 
باسىلىم جەلىدە جۇزدەگەن تاڭدانارلىق پىكىرلەر تۋدىردى. قالا تۇرعىندارى ناتاليانىڭ ۇلگىسى بويىنشا ءوز اۋلالارىن كوركەيتىپ، اباتتاندىرا الادى: 2024 جىلى الماتىدا «حالىق قاتىساتىن بيۋدجەتكە» 18،8 ملرد تەڭگە ءبولىندى. بۇل وتكەن جىلمەن سالىستىرعاندا 5،8 ملرد تەڭگەگە ارتىق. قالا تۇرعىندارى اۋلالاردى، قوعامدىق كەڭىستىكتەردى اباتتاندىرۋ، سپورت جانە ويىن الاڭدارىن قۇرۋ بويىنشا 364 جوبانى ۇسىنىپ، جۇزەگە اسىرا الادى.