2024 جىلدىڭ باسىنان باستاپ قازاقستاننىڭ بارلىق وڭىرلەرىندە مەملەكەتتىك الەۋمەتتىك قورعاۋ ينسپەكتورلارى 1701 تەكسەرۋ جۇرگىزدى، ونىڭ 528ء-ى پروفيلاكتيكالىق باقىلاۋ شەڭبەرىندە، 270ء-ى جوسپاردان تىس، 973ء-ى پروكۋراتۋرانىڭ تالابى بويىنشا، دەپ حابارلايدى almaty-akshamy.kz.
مەملەكەتتىك باقىلاۋمەن: اكىمدىكتەر – 64، جەرگىلىكتى اتقارۋشى ورگانداردىڭ بولىمدەرى مەن باسقارمالارى – 30، مەملەكەتتىك مەكەمەلەر – 17، ارناۋلى الەۋمەتتىك قىزمەتتەر كورسەتۋ ورتالىقتارى – 38، وڭالتۋ ورتالىقتارى – 2، اۋرۋحانالار، ەمحانالار – 18، ستوماتولوگيا – 2، ءدارىحانالار – 11، بالاباقشالار – 69، مەكتەپتەر – 669، كوللەدجدەر، ليسەيلەر – 3، دۇكەندەر – 11، ساۋدا ۇيلەرى – 8، بانك فيليالدارى – 4، «قازپوشتا» اق فيليالدارى – 3، پوليسيا بولىمشەلەرى – 3، دك – 24، مادەنيەت ۇيلەرى –7، مۇراعاتتار، مۇراجايلار – 6، كافەلەر، مەيرامحانالار، قوناق ۇيلەر – 3، نوتاريۋس – 1، اۆتوبۋس پاركى – 1، كىتاپحانا – 1، بجسم – 1 جانە باسقالار قامتىلدى.
ماسەلەن، ەڭبەك جانە الەۋمەتتىك قورعاۋ كوميتەتىنىڭ استانا قالاسى بويىنشا دەپارتامەنتى كرەسلو-اربامەن قوزعالاتىن مۇگەدەكتىگى بار ادامنىڭ ءوتىنىشى نەگىزىندە مۇگەدەكتىگى بار ادامدار ءۇشىن قولجەتىمدىلىكتىڭ بولماۋى فاكتىسى بويىنشا كافە-بارعا جوسپاردان تىس تەكسەرۋ جۇرگىزدى.
تەكسەرۋ قورىتىندىسى بويىنشا كاسىپكەرلىك سۋبەكتىسى ايىپپۇل تۇرىندە اكىمشىلىك جاۋاپكەرشىلىككە تارتىلدى، سونداي-اق انىقتالعان بۇزۋشىلىقتاردى جويۋ تۋرالى نۇسقاما ەنگىزىلدى.
سونىمەن قاتار، وڭىرلەردەگى الەۋمەتتىك ينسپەكتورلار ەرەكشە قاجەتتىلتەرى بار ادامداردىڭ زاڭدى قۇقىقتارىن قامتاماسىز ەتۋ ءۇشىن الەۋمەتتىك ينفراقۇرىلىم وبەكتىلەرىنىڭ بەيىمدەلۋ ءىس-شارالارىن جۇرگىزۋدە وڭ ديناميكانى اتاپ ءوتتى.
ءبىرىنشى توپ مۇگەدەكتىگى بار بالانىڭ اناسى مارجان سۇلتانعازينانىڭ ايتۋىنشا، وسكەمەن قالاسىندا مۇگەدەكتىگى بار ادامدار ءۇشىن جاعدايدى جاقسارتۋ ماسەلەلەرىندە وڭ ديناميكا بايقالادى.
«مۇگەدەكتىگى بار ادامدار ءۇشىن بارلىق قاجەتتى جاعدايلار جاسالۋدا، نىسان يەلەرى وبەكتىلەردى قۇرىلىس نورمالارىنا سايكەس كەلتىرۋ بويىنشا جۇمىستار جۇرگىزۋدە. كاسىپكەرلەر مەن مەملەكەتتىك مەكەمەلەر عيماراتتاردى شاعىمدار مەن ۇسىنىستاردى ەسكەرە وتىرىپ جاڭعىرتۋدان وتكىزىپ جاتىر. №1 قالالىق ەمحاناعا، «DEVAL» كورەي وڭالتۋ ورتالىعىنا، «ءۇلبى» قالالىق اۋماقتىق حالىققا الەۋمەتتىك قىزمەت كورسەتۋ ورتالىعىندا مۇگەدەكتىگى بار ادامدار ءۇشىن تولىق قولجەتىمدىلىك قاراستىرىلعان. جالپى، وبلىس بويىنشا ينفراقۇرىلىم نىساندارىنىڭ قولجەتىمدىلىگى ماسەلەلەرى شەشىلىپ كەلەدى جانە بۇل كوڭىل قۋانتادى»، – دەدى مارجان سۇلتانعازينا.
ەستەرىڭىزگە سالا كەتەيىك، 2023 جىلعى 1 شىلدەدە ق ر الەۋمەتتىك كودەكسى كۇشىنە ەنگەن كەزدەن باستاپ، ەلىمىزدە مەملەكەتتىك الەۋمەتتىك قورعاۋ ينسپەكتورلارىنىڭ ينستيتۋتى ەنگىزىلدى. ولاردىڭ قۇزىرەتىنە مۇگەدەكتىگى بار ادامداردى الەۋمەتتىك قورعاۋ، ارناۋلى الەۋمەتتىك قىزمەتتەر كورسەتۋ جانە الەۋمەتتىك قامسىزداندىرۋ سالاسىنداعى زاڭنامانىڭ ساقتالۋىن باقىلاۋدى جۇزەگە اسىرۋ كىرەدى.