قۇجات بالالاردىڭ ەموسيالىق، كوگنيتيۆتىك جانە مىنەز-قۇلقىنداعى سالدارلاردى ەڭسەرۋگە باعىتتالعان.
بالالار مەن ولاردىڭ اتا-اناسىنا پسيحولوگيالىق كومەك كورسەتۋ بويىنشا ادىستەمەلىك ۇسىنىمدار ازىرلەندى، دەپ حابارلايدى Almaty-akshamy.kz
وقۋ-اعارتۋ مينيسترلىگىنىڭ مالىمەتىنشە، باعدارلامانىڭ ماقساتى – زورلىق-زومبىلىققا، قاتىگەزدىككە، بۋللينگكە ۇشىراعان، سونداي-اق قىلمىسقا كۋا بولعان بالالارعا كەشەندى كومەك كورسەتۋ.
اتالمىش باستاما بالالارعا كومەك كورسەتۋ الگوريتمىن جانە كامەلەتكە تولماعان بالالاردىڭ قاجەتتىلىكتەرىن باعالاۋ نەگىزىندە مەديسينالىق، پسيحولوگيالىق، پەداگوگيكالىق، الەۋمەتتىك جانە قۇقىقتىق كومەك كورسەتۋ تۇرلەرىنىڭ كەشەنىن قامتيدى. سونداي-اق باعدارلاما شەڭبەرىندە بالالار مەن ولاردىڭ اتا-انالارىنا پسيحولوگيالىق كومەك كورسەتۋ بويىنشا ءبىرىڭعاي ادىستەمەلىك ۇسىنىمدار ازىرلەندى.
«ءاربىر بالا زورلىق-زومبىلىقتان قورعالۋعا ءتيىس. وسى باستامانىڭ قابىلدانۋى – مەملەكەت پەن قوعامنىڭ بالا قۇقىعىن قورعاۋ جانە ءاربىر بالانىڭ ءقاۋىپسىز بالالىق شاعىن قامتاماسىز ەتۋدەگى مىندەتتەمەسىنىڭ كورىنىسى. بۇل باعدارلاما – بالالارعا زارداپ سالدارىمەن كۇرەسۋ جانە پسيحولوگيالىق تۇرعىدا قولداۋ جۇيەسىن قۇرۋداعى ماڭىزدى قادام»، - دەدى بالالاردىڭ قۇقىعىن قورعاۋ كوميتەتى ءتوراعاسىنىڭ ورىنباسارى يۋليا وۆەچكينا.
كومەك كورسەتۋ وبلىستىق دەڭگەيدە پسيحولوگيالىق قولداۋ ورتالىقتارىنىڭ، اۋداندىق دەڭگەيدە ءبىلىم بولىمدەرىنىڭ بازاسىندا ىسكە اسىرىلادى.