الماتىدا بالالار انەستەزيولوگياسى مەن قارقىندى تەراپيا سالاسىنداعى وزەكتى ماسەلەلەر تالقىلاندى.
25-28 قىركۇيەك ارالىعىندا الماتىدا گيبريدتى فورماتتا قازاقستان بالالار انەستەزيولوگتارى مەن رەانيماتولوگتارىنىڭ رەسپۋبليكالىق عىلىمي-پراكتيكالىق كونفەرەنسياسى ءوتتى، دەپ حابارلايدى aqshamnews.kz «پەدياتريا جانە بالالار حيرۋرگياسى عىلىمي ورتالىعى» باسپا ءسوز قىزمەتىنە سىلتەمە جاساپ.
كونفەرەنسياعا رەسەي، وزبەكستان، قىرعىزستان، تۇركيا، ليتۆا ەلدەرىنەن كەلگەن بىلىكتى ماماندار، مەديسينالىق جوعارى وقۋ ورىندارىنىڭ رەكتورلارى مەن پروفەسسورلارى، عىلىمي ينستيتۋتتاردىڭ جەتەكشى ماماندارى مەن باسشىلارى، سونداي-اق ەلىمىزدىڭ جانە شەت ەلدەردىڭ بالالار انەستەزيولوگتارى مەن رەانيماتولوگتارى قاتىستى. بارلىعى 500-دەن استام مامان قاتىستى.
كونفەرەنسيانىڭ سالتاناتتى اشىلۋى قازاقستان رەسپۋبليكاسىنىڭ دەنساۋلىق ساقتاۋ ءمينيسترى اقمارال ءالنازاروۆانىڭ، «انەستەزيولوگتار جانە رەانيماتولوگتار فەدەراسياسى» رقب پرەزيدەنتى، پروفەسسور ەرعالي ميەربەكوۆتىڭ، پەدياتريا جانە بالالار حيرۋرگياسى عىلىمي ورتالىعىنىڭ باسقارما ءتوراعاسىنىڭ ورىنباسارى ليازات مانجۋوۆانىڭ جانە شەتەلدەن كەلگەن قوناقتاردىڭ قۇتتىقتاۋ سوزىمەن باستالدى.
«بالالار دەنساۋلىعىن قورعاۋ – مەملەكەتتىڭ باستى باسىمدىقتارىنىڭ ءبىرى. سوڭعى ءۇش جىلدا بالالار ءولىم-جىتىمى ازايدى، جانە بۇل تۇراقتى تەندەنسيا جالعاسۋدا. بۇل جەتىستىكتەر جۇيەلى جۇمىستاردىڭ ناتيجەسى. بالالار انەستەزيولوگياسى مەن رەانيماتولوگيا قىزمەتى نازارىمىزدا، بۇل سالا ماماندارىنىڭ ورنى ەرەكشە. جىلدان-جىلعا ماتەريالدىق-تەحنيكالىق بازا جاقسارىپ، كادرلىق الەۋەت ارتۋدا، جاس مامانداردى دايارلاۋ قولعا الىنۋدا، جاڭا كافەدرالار اشىلۋدا»، - دەگەن دەنساۋلىق ساقتاۋ ءمينيسترى اقمارال ءالنازاروۆانىڭ قۇتتىقتاۋىندا
«انەستەزيولوگتار جانە رەانيماتولوگتار فەدەراسياسى» رقب پرەزيدەنتى، پروفەسسور ەرعالي ميەربەكوۆ:
«كونفەرەنسيا – بالالار انەستەزيولوگياسى مەن قارقىندى تەراپيا سالاسىنداعى جەتەكشى مامانداردىڭ تاجىريبە الماسىپ، بىلىمدەرىن جەتىلدىرۋ مۇمكىندىگىن بەرەتىن الاڭ. بۇل شارا ەلىمىزدىڭ مەديسينالىق سالاسىن دامىتۋعا جانە حالىقارالىق بايلانىستاردى كۇشەيتۋگە باعىتتالعان ماڭىزدى وقيعا بولىپ تابىلادى».
كونفەرەنسيا بارىسىندا ەلىمىزدەگى بالالار انەستەزيولوگياسى مەن رەانيماتولوگيا قىزمەتىنىڭ قازىرگى جاعدايى، بالالارعا انەستەزيولوگيالىق كومەك پەن قارقىندى ەمدەۋدى جەتىلدىرۋ، بالالار انەستەزيولوگياسىنداعى نەيرومونيتورينگ جانە نەيروناۆيگاسيا ماسەلەلەرى تالقىلاندى. سونداي-اق، پەدياتريا جانە نەوناتولوگياداعى انەستەزيولوگ-رەانيماتولوگتاردىڭ جۇمىسىنداعى وزەكتى ماسەلەلەر قاراستىرىلدى.
القالى جيىندا انەستەزيولوگيا سالاسىنا كوپ جىل ەڭبەك سىڭىرگەن ارداگەر بالالار انەستەزيولوگتارى مەن رەانيماتولوگتارىنا قۇرمەت كورسەتىلدى. ولارعا «ارداگەر انەستەزيولوگ-رەانيماتولوگ» جانە «ۇزدىك انەستەزيولوگ-رەانيماتولوگ» توسبەلگىلەرى تابىستالدى.
كونفەرەنسيا اياسىندا ەكى عىلىمي ورتالىقتا شەتەلدىك مامانداردىڭ دارىستەرى جانە ءتورت شەبەرلىك سىنىبى وتكىزىلدى. تۇركيا جانە رەسەي ماماندارى 100-دەن اسا جاس مامانداردى وقىتتى.
ءىس-شارانىڭ باستى ماقساتى – قازاقستان حالقىنا مامانداندىرىلعان مەديسينالىق كومەكتى جاقسارتۋ ءۇشىن انەستەزيولوگتار مەن رەانيماتولوگتاردى جانە ساباقتاس ماماندىقتاردى بىرىكتىرۋ، جيناقتالعان ماسەلەلەردى تالقىلاپ، شەشۋ جولدارىن ىزدەۋ.
كونفەرەنسيا ق ر دەنساۋلىق ساقتاۋ مينيسترلىگىنىڭ قولداۋىمەن «انەستەزيولوگتار جانە رەانيماتولوگتار فەدەراسياسى» رەسپۋبليكالىق قوعامدىق بىرلەستىگى جانە پەدياتريا جانە بالالار حيرۋرگياسى عىلىمي ورتالىعىنىڭ ۇيىمداستىرۋىمەن ءوتتى. شارا بارىسىندا انەستەزيولوگيا مەن قارقىندى ەمدە قولدانىلاتىن مەديسينالىق قۇرال-جابدىقتار مەن دارى-دارمەكتەردىڭ كورمەسى ۇيىمداستىرىلدى.