الماتى قالاسىنداعى №102 ورتا مەكتەپتىڭ "جاس سارباز" سىنىبىنىڭ تاربيەلەنۋشىلەرى ءبىلىم ورداسىنىڭ اسكەري دايىندىق جەتەكشىسى باقىتجان پەرىمبەتپەن بىرگە تەڭىز دەڭگەيىنەن 3450 مەتر بيىكتىكتەگى كۇلاش بايسەيىتوۆا شىڭىنا شىقتى.
شىڭعا ولار قازاقستاننىڭ مەملەكەتتىك تۋىن تىكتى. وسىلايشا وقۋشىلار وتانعا دەگەن ادالدىقتارىن جانە جاڭا بيىكتەرگە ۇمتىلىستارىن ءبىلدىردى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
جاس الپينيستەر جاساعىنىڭ كومانديرى يگنات ءزيزيننىڭ ايتۋىنشا، قىسقى جاعداي ورمەلەۋدى قيىنداتتى.
– قار، –23 گرادۋسقا دەيىن اياز جانە بيىككە ورمەلەۋ سىناعى جاقسى بەيىمدەلۋدى قاجەت ەتەدى. تەك مۇقيات دايىندىقتىڭ ارقاسىندا عانا ءبىز بارلىق قيىندىقتى جەڭە الدىق. بۇل تەك سىناق قانا ەمەس، ۇلكەن مارتەبە بولدى، – دەدى ول.
شىڭعا شىعۋدا سەگىز جىل بويى جۇمىس ىستەپ كەلە جاتقان "كيروۆ" اسكەري-پاتريوتتىق كلۋبى جاس الپينيستەرىنىڭ بۇل ءبىراز جەتىستىكتەرىنىڭ ءبىر بولىگى. بۇعان دەيىن كلۋب قاتىسۋشىلارى ۇلكەن الماتى شىڭى جانە تۇران شىڭى (يافي) سياقتى شىڭداردى باعىندىردى.
دايىندىق كەزىندە اسكەري-پاتريوتتىق كلۋبتىڭ تاربيەلەنۋشىلەرى باعدارلاۋ داعدىلارىن مەڭگەرۋدى، الپينيستىك جابدىقتارمەن جۇمىس ىستەۋدى جانە ەكسترەمالدى جاعدايلاردا ءومىر ءسۇرۋدى قامتيتىن جەڭىل اتلەتيكا جانە تاۋ دايارلىعىنىڭ جارتىجىلدىق كۋرسىنان مىندەتتى تۇردە وتەتىنىن اتاپ وتكەن ءجون.