ارنايى وپەراسيالار كۇشتەرىندە قىزمەت ەتەتىن مايور ۆاديم فەدوسەيەۆ قويان-قولتىق ۇرىستان الەم چەمپيوناتىندا التىن ولجالادى.
ماسكۋدە وتكەن جارىسقا 18 ەلدىڭ سپورتشىسى قاتىستى، دەپ حابارلايدى aqshamnews.kz قورعانىس مينيسترلىگىنە سىلتەمە جاساپ.
73 كەلىدەن اساتىن سالماقتاعى مايور ۆ. فەدوسەيەۆتىڭ قارسىلاستارى تۇركىمەنستاننان جانە رەسەيدەن كەلگەن سپورتشىلار بولدى. سوڭعى جەكپە-جەكتە ول وزبەكستان وكىلىن 11:7 ەسەبىمەن جەڭدى.
حالىقارالىق اۋەجايدا چەمپيوندى ارىپتەستەرى قوشەمەتپەن قارسى الدى، ولار اسكەري قىزمەتشىنى چەمپيوندىق بەلبەۋدى جەڭىپ الۋىمەن جىلى قۇتتىقتادى.
تۇعىرعا اپاراتىن جول وڭاي ەمەس. بۇل جول سىناقتار مەن اۋىر جاتتىعۋلارعا تولى. وعان سوققىلار، كومبيناسيالار مەن قورعانىس ادىستەرىن ۇيرەنۋگە جاتتىقتىرۋشىلار پودپولكوۆنيك نۇرداۋلەت ەرجىگىتوۆ پەن داۋىربەك داۋلەتوۆ كومەكتەستى.
سپورتشى بۇعان دەيىن دە قويان-قولتىق ۇرىستان قازاقستان قورعانىس ءمينيسترى كۋبوگىنىڭ جانە الەم چەمپيوناتىنىڭ، ارميا قويان-قولتىق ۇرىسىنان تمد چەمپيونى اتانعان.
ۆاديم فەدوسەيەۆتىڭ ماسكەۋدە كورسەتكەن تاماشا ونەرى – قازاقستاندىقتارعا تاۋەلسىزدىك كۇنىنە ارنالعان تاماشا سىيلىق جانە سپورتشىنىڭ جەكە جەتىستىكتەرىنىڭ قورجىنىنا قوسقان تىڭ ۇلەسى.