الماتى قالاسىنىڭ وقۋشىلار سارايىندا قازاقستان رەسپۋبليكاسى كونستيتۋسياسىنىڭ 30 جىلدىعىنا وراي «APA–2025: AQYL، PARASAT، ABYROY» قالالىق زياتكەرلىك ويىنى ءوتتى، - دەپ حابارلايدى aqshamnews.kz.
ءىس-شارا الماتى قالاسىنىڭ اۋماقتىق سايلاۋ كوميسسياسى، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ ۇيىمداستىرۋىمەن جانە الماتى قالاسى جاستار ساياساتى باسقارماسىنىڭ قولداۋىمەن ءوتتى.
– ءىس-شارانىڭ ماقساتى – ۇلتتىق قۇندىلىقتاردى، قازاق حالقىنىڭ ءتىلى مەن مادەنيەتىن، تاريحى مەن داستۇرلەرىن ناسيحاتتاۋ، مادەني مۇراعا دەگەن قۇرمەتتى قالىپتاستىرۋ، ۇلتتىق بىرەگەيلىكتى نىعايتۋ جانە قازاقستاندىق ءپاتريوتيزمدى دامىتۋ. «APA–2025» زياتكەرلىك ويىنى – ەل كونستيتۋسياسىنىڭ مەرەيتويى قارساڭىندا جاستاردىڭ زياتكەرلىك الەۋەتىن ارتتىرۋعا جانە ازاماتتىق سانانى نىعايتۋعا باعىتتالعان ماڭىزدى قادام، – دەدى ق ر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ الماتى قالاسى بويىنشا فيليالىنىڭ ديرەكتورى اينۇر يدريسوۆا.
زياتكەرلىك ويىن كۆيز فورماتىندا بولدى، ياعني مەكتەپ وقۋشىلارى پىكىر الماسۋعا ارنالعان الاڭدا بىلىمدەرىن سىنادى. ويىنعا الماتى قالاسىنىڭ ءار اۋدانىنان جينالعان 10-سىنىپ وقۋشىلارى قاتىستى. بارلىعى مەگاپوليستىڭ ءار اۋدانىنان – الاتاۋ، المالى، اۋەزوۆ، بوستاندىق، ناۋرىزباي، مەدەۋ، جەتىسۋ، تۇركسىب اۋداندارىنان ىرىكتەلىپ كەلگەن 8 كوماندا سىنعا ءتۇستى.
– الماتىدا العاش رەت 10-سىنىپ وقۋشىلارى اراسىندا ينتەللەكتۋالدى جارىس ءوتىپ جاتىر. ول نەگىزگى قۇجاتىمىز – كونستيتۋسياسىنىڭ 30 جىلدىق مەرەيتويىنا ارنالىپ وتىر. وقۋشىلارعا ءوزىنىڭ تاريحىن، ءتىلىن، ءدىلىن جاقسى بىلۋىنە بايلانىستى سۇراق قويىلادى. جالپى 6 بولىمنەن تۇرادى. وسى ارقىلى جاستاردىڭ ءبىلىم باسەكەسى شىڭدالادى. زياتكەرلىك ويىن العاش رەت وتكىزىلىپ وتىر، ءبىراق ءداستۇرلى تۇردە وتكىزۋ جوسپارلانعان، – دەدى «Alatau Aqparat» مەدياحولدينگىنىڭ باس ديرەكتورى ەرجان قالىمباي ۇلى.
قاتىسۋشىلاردىڭ جۇمىستارى بەدەلدى قوعام قايراتكەرلەرى، ءبىلىم جانە مەملەكەتتىك باسقارۋ سالاسىنىڭ وكىلدەرىنەن قۇرالعان قازىلار القاسى تاراپىنان باعالانادى. جارىس ناتيجەسى بويىنشا نۇرايىم مۇرات، كاميلا تايگۋلوۆا، مانسۇر مەيىرحان، يمانجان سىزدىق جانە يستەمي كەنجەبايەۆ سىندى وقۋشىلاردان قۇرالعان مەدەۋ اۋدانىنىڭ كومانداسى جەڭىمپاز اتاندى.
2-ورىن بوستاندىق اۋدانىنان ءمادي اسحات ۇلى، مەرەي رىسداۋلەت، ارۋجان نۇرعازى، ادەما البەكوۆا، ارينا لەپەحيناعا قاتارلى سايىسكەرلەرگە بۇيىردى.
3-ورىندى الاتاۋ جانە ناۋرىزباي اۋداندارى ءبولىستى. «الاتاۋلىق» كوماندانى ءابىلمانسۇر ابۋوۆ، ەلنارا مىرزابەك، كاۋسار احمەتجان، ياسمين ازيزوۆا، امينات رىسقۇلوۆا قاتارلى وقۋشىلار قۇراسا، ناۋرىزباي اۋدانىنىڭ نامىسىن سافينۋر ماناپ، اسەل امانتاي، گۇلناز جەكسەن، راسۋل ايدىن ۇلى، فاتيما ياسىنبەك قىزى قورعادى. زياتكەرلىك ويىننىڭ بارلىق قاتىسۋشىلارىنا العىس حاتتار مەن ەستەلىك سىيلىقتار تابىستالدى.