الماتىدا پوليسيا ەر ادامدى قۇتقارىپ قالدى، - دەپ حابارلايدى aqshamnews.kz Polisia.kz-كە سىلتەمە جاساپ.
تاڭعى ۋاقىتتا جەدەل باسقارۋ ورتالىعىنا ساين داڭعىلى مەن رايىمبەك داڭعىلىنىڭ قيىلىسىنداعى كوپىردە ءبىر ەر ادامنىڭ سۋيسيدكە وقتالۋى تۋرالى حابارلاما ءتۇستى. كۋاگەرلەردىڭ ايتۋىنشا، بەلگىسىز ازامات كوپىر ۇستىندە تۇرىپ، سەكىرۋگە ارەكەتتەنگەن. وقيعا ورنىنا دەرەۋ پاترۋلدىك پوليسيا ەكيپاجدارى جىبەرىلدى.
پوليسيا قىزمەتكەرلەرى كەلگەندە، ەر ادامنىڭ اۋىر پسيحوەموسيونالدىق كۇيدە ەكەنىن بايقادى. ول بايلانىس ورناتۋدان ۇزىلدى-كەسىلدى باس تارتىپ، وزىنە ءقاۋىپ ءتوندىرىپ تۇرعانىنا قاراماستان، پوليسەيلەر سابىرلىق تانىتىپ، وعان جاناسۋ ارقىلى سەنىم ۇيالاتىپ، تىلدەسۋگە تىرىستى. ءقاۋىپتى جاعداي كەزىندە وقيعا ورنىنا اۋەزوۆ اۋداندىق پوليسيا باسقارماسىنىڭ باسشىلىعى دا كەلىپ جەتتى. ءتارتىپ ساقشىلارىنىڭ ۇيلەسىمدى جانە كاسىبي ءىس-قيمىلىنىڭ ارقاسىندا ەر ادام كوزگە تۇسپەي جاقىن كەلىپ، ءقاۋىپسىز جەرگە شىعارىلدى.
"باستى ماقسات – ادام ءومىرىن امان ساقتاۋ. مۇنداي ساتتەردە ءار ءسوز، ءاربىر ارەكەت شەشۋشى ءرول اتقارادى. قىزمەتكەرلەرىمىزدىڭ سابىرلىلىعى مەن كاسىبيلىگى ناقتى ءارى ۋاقىتىلى شەشىم قابىلداۋعا مۇمكىندىك بەردى"، – دەدى اۋەزوۆ اۋداندىق پوليسيا باسقارماسى باستىعىنىڭ ورىنباسارى داۋرەن مايلىقبايەۆ.
قۇتقارىلعان ازامات — الماتى قالاسىنىڭ 35 جاستاعى تۇرعىنى. ونىڭ پسيحيكالىق جاعدايىن باعالاۋ ءۇشىن پسيحيكالىق دەنساۋلىق ورتالىعىنا جەتكىزىلدى. بۇل وقيعا ءبىر نارسەنى ايقىن دالەلدەدى: پوليسيا قىزمەتكەرلەرى – تەك قۇقىق قورعاۋشىلار عانا ەمەس، قاجەت بولعاندا ءوز ءومىرىن قاتەرگە تىگىپ، ادام ءومىرىن ساقتاپ قالۋعا ءارقاشان دايىن جاندار.