جامبىل وبلىسى شۋ اۋدانىنان الماتىعا جەتكىزىلىپ تۇرعان ەسىرتكى قىلمىسىنىڭ جولى كەسىلدى.
جەدەل-تەرگەۋ توپتارى ارنايى ماقساتتاعى ءبولىنىس جاۋىنگەرلەرىمەن بىرلەسىپ، قۇرىقتاۋ وپەراسياسىن ءبىر ۋاقىتتا الماتى قالاسى مەن الماتى وبلىسىندا ىسكە اسىردى، دەپ حاباراليدى Almaty-akshamy.kz Polisia.kz-كە سىلتەمە جاساپ.
ۇيىمداستىرۋشى جانە ماريحۋانا مەن گاشيشتى زاڭسىز وتكىزۋگە قاتىسى بار 11 ادام انىقتالدى. ولاردىڭ قاتارىندا ساتۋشى مەن ساتىپ الۋشىلار، تاسىمالداۋشىلار، ءۇي-جايلاردى جالعا الۋشىلار مەن ولشەپ وراۋشىلار بار.
«ءتىنتۋ بارىسىندا سەللوفان پاكەتتەرگە سالىنعان 40 كگ ماريحۋانا مەن 15 كگ گاشيش جانە كۇدىكتىلەردىڭ قىلمىستىق بيزنەسكە قاتىسى بار ەكەنىن راستايتىن ۇيالى تەلەفوندار تابىلىپ، تاركىلەندى. كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى ءتيىستى ساراپتامالار تاعايىندالىپ، تەرگەۋ امالدارى جالعاسۋدا. وزگە اقپارات تەرگەۋ مۇددەسىندە جاريالانۋعا جاتپايدى»، – دەدى دەپارتامەنت باستىعى – ءىىم رەسمي وكىلى شىڭعىس الەكەشيەۆ.