كولورادو ۋنيۆەرسيتەتىنىڭ عالىمدارى بەلگىلى ءبىر اقۋىزدى تەجەۋدى قامتيتىن ءادىس السگەيمەر اۋرۋىندا كەزدەسەتىن سيناپستار مەن دەندريتتى وسكىندەردىڭ جويىلۋىن توقتاتا الاتىنىن انىقتادى.
بۇل جايىندا islam.kz پورتالى eNeuro مەرزىمدى باسىلىمىنا سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.
بۇل باعىتتاعى تاجىريبە بارىسىندا نەيرودەگەنەراتيۆتى اۋرۋدى سيممۋلياسيالايتىن، ياعني، مودەلدەيتىن كەمىرگىشتەردىڭ نەيروندارى پايدالانىلدى. نۋتلين دەگەن اتپەن بەلگىلى تاجىريبەلىك وبىرعا قارسى دارىمەن Mdm2 اقۋىزىنا اسەر ەتە ءوز كەزەگىندە السگەيمەر اۋرۋى كەزىندە تۇيىرشىكتەر تۇزەتىن ميداعى نەيروندارعا ۋلى بولىپ كەلەتىن β-اميلويد اقۋىزدارىنىڭ كوبەيۋىن توقتاتادى ءارى دەندريتتىڭ تىكەنەكتى (دنەدريتتىڭ بەتكى جاعىنداعى مەمبرانالىق وسكىندى) جويۋ ارقىلى سيناپستاردى بۇزاتىن بولىپ شىقتى.
دەندريتتىك تىكەنەكتەر - بۇل دەندريتتەردەن شىعىپ تۇراتىن جانە سيناپستار ارقىلى اكسونداردان جۇيكە سيگنالدارىن قابىلدايتىن پروەكسيالار. ارتىق دەندريتتەردەن ارىلۋ بيولوگيالىق نەيرون جەلىسىنىڭ تيىمدىلىگىن ارتتىرۋعا ىقپال ەتەدى، الايدا، السگەيمەر اۋرۋىندا سيناپستاردىڭ جوعالۋى ادەتتەن تىس جەدەل جۇرەدى.