جوبا بويىنشا بارلىعى 67 كوشە قامتىلعان، ولاردىڭ دەنى اسفالتتالعان. بۇرىن اتالعان شاعىن اۋدانداعى ۇيلەر ورتالىق سۋمەن جابدىقتاۋ جانە كارىز جەلىلەرىنە قوسىلماعان. 
تومەنگى بەسجىلدىقتىڭ تۇرعىندارىن سۋمەن جابدىقتاۋ جانە كارىز جەلىلەرىنە قوسۋ بويىنشا ءۇش جىلدىق جوبا 2021 جىلى باستالدى. ءقازىر جۇمىس جوسپارىنا سايكەس 115،5 مىڭ مەتر سۋ قۇبىرىنىڭ 100 مىڭ مەتردەن استامى، ال 32 مىڭ مەتر كارىز جەلىسىنىڭ 28 مىڭ مەترگە جۋىعى سالىندى، دەپ حابارلايدى اlmaty-akshamy.kz.
جۇمىسشىلار سپاسسكايا، حاكاسسكايا كوشەلەرىنىڭ جانە ءبىرقاتار اللەياعا اسفالت توسەۋگە دايىندىق جۇرگىزىپ جاتىر. قۇبىرلار مەن قۇدىقتاردى مونتاجداۋ زەمنۋحوۆ، بالقاديشا، شميدت، سۆوبودنايا، حاكاسسكايا، لەرمونتوۆ، ترەنيەۆ جانە كوسترومسكايا كوشەلەرىندە جۇرگىزىلەدى.
جوبا تامىزدىڭ سوڭىندا تولىق اياقتالادى دەپ جوسپارلانعان. وسىلايشا، بۇكىل شاعىن اۋدان ورتالىق سۋمەن جانە كارىز جەلىلەرىمەن تولىق قامتىلادى.
ايتا كەتۋ كەرەك، جوبادا ابونەنتتەردى سۋمەن جابدىقتاۋ جەلىلەرىنە قوسۋ كوزدەلگەن، ال كارىز جەلىسىنە قوسۋ ابونەنتتەر ەسەبىنەن جۇزەگە اسىرىلادى.
الماتى اكىمى ەربولات دوسايەۆتىڭ تاپسىرماسىمەن بيىل بارلىعى 142 كم سالۋ جانە 48 كم سۋمەن جابدىقتاۋ جەلىلەرىن جاڭعىرتۋ كوزدەلگەن.