14 اەك مولشەرىندە شەگەرىم قولدانىلادى.
ەندى تابىسى تومەن قازاقستاندىقتار جەكە تابىس سالىعىنان بوساتىلادى، دەپ حابارلايدى Almaty-akshamy.kz ەكونوميكا مينيسترلىگىنىڭ Telegram ارناسىنا سىلتەمە جاساپ.
دەرەككوزدە قولدانىستاعى ستاندارتتارعا سايكەس، جالاقى سالىعىن ەسەپتەۋ كەزىندە 14 اەك مولشەرىندە شەگەرىم قولدانىلادى (2024 جىلى 51 688 تەڭگە) دەلىنگەن. بۇل - جتس ۇستالمايتىن سوما. ياعني سالىق جالاقىنىڭ 14 اەك – زەينەتاقى جارنالارى، مەديسينالىق ساقتاندىرۋ جانە ت.ب. شەگەرىلگەننەن كەيىن قالعان بولىگىنەن الىنادى دا، بۇل سوما 30 اەك (110 760 تەڭگە) دەيىن ۇلعايتىلادى. وسىلايشا جالاقىنىڭ سالىق سالىنبايتىن بولىگى ۇلعايادى.
"مۇنداي جاعدايدا جالاقىدان 10 پايىز مولشەردە زەينەتاقى جارنالارى بويىنشا شەگەرiمدەردiڭ بولۋىن ەسكەرە وتىرىپ، 123 مىڭ تەڭگەگە دەيiنگi جالاقى كەزiندە جتس تولەنبەيدi ءارى تومەن جالاقى تولەنەتiن قىزمەتكەرلەر ءۇشiن جۇكتەمە ازايتىلادى"، - دەلىنگەن حابارلامادا.
دەمەك، كىمنىڭ ايلىعى از بولسا، سالىق تولەۋدەن بوساتىلادى دەگەن ءسوز.