الاتاۋ اۋدانىنىڭ اكىمى دانيار قىرىقبايەۆ اۋدانداعى مەديسينالىق ينفراقۇرىلىمدى كەڭەيتىپ، تۇرعىنداردىڭ مەديسينالىق قىزمەتكە قولى جەتەتىندەي ەتۋ ءۇشىن اتقارىلىپ جاتقان شارۋالار تۋرالى باياندادى، دەپ حابارلايدى aqshamnews.kz
2025 جىلدىڭ ناۋرىز ايىندا قاراسۋ شاعىناۋدانىندا اۋىسىمىنا 200 ادام قابىلداي الاتىن العاشقى مەديسينالىق-سانيتارلىق كومەك كورسەتۋ ورتالىعى اشىلدى. ءدال وسىنداي تاعى ءبىر ورتالىق سايالى شاعىناۋدانىندا سالىنىپ جاتىر. ونى بيىلدىڭ سوڭىنا دەيىن اياقتاۋ جوسپارلانىپ وتىر.
اۋداندا ەكى ۇلكەن ستاسيونار سالۋ دا جوسپارلانعان:
• 300 توسەكتىك كوپسالالى ەرەسەكتەر اۋرۋحاناسى،
• 200 توسەكتىك پەريناتالدىق ورتالىق.
قازىرگى ۋاقىتتا تەرەكتى شاعىناۋدانىنىڭ شامامەن 7 000 تۇرعىنى ناۋرىزباي اۋدانىنداعى №7 قالالىق كلينيكالىق اۋرۋحانا جانىنداعى ەمحانادا مەديسينالىق قىزمەت الادى. قولجەتىمدىلىك ماسەلەسىن شەشۋ ءۇشىن 1،3 گا اۋماق ءبولىنىپ، وسى جەردە جاڭا قالالىق ەمحانا سالۋ ۇسىنىلدى.
اكىمنىڭ ايتۋىنشا، مەديسينالىق نىساندار جەلىسىن دامىتۋ تۇرعىنداردى ساپالى قىزمەتپەن بىردەي قامتىپ، قولدانىستاعى مەكەمەلەرگە تۇسەتىن جۇكتەمەنى ازايتۋعا مۇمكىندىك بەرمەك.