دانيار قىرىقبايەۆ الەۋمەتتىك باستامالار بويىنشا ەسەپ بەرىپ، حالىققا كورسەتىپ جاتقان قولداۋ مەن قولدانىستاعى باعدارلامالاردىڭ تيىمدىلىگىن اتاپ ءوتتى، دەپ حابارلايدى aqshamnews.kz
اكىمنىڭ ايتۋىنشا، اۋداندا ءتۇرلى ساناتتاعى تۇرعىنداردى قامتيتىن بەس الەۋمەتتىك جوبا تابىستى جۇمىس ىستەپ كەلە جاتىر:
- «باقىتتى وتباسى» وتباسىلاردى قولداۋ ورتالىعى،
- «بەلسەندى ۇزاق ءومىر ءسۇرۋ» بەلسەندى ۇزاق ءومىر ورتالىعى،
- «تەڭ قوعام» ەرەكشە قاجەتتىلىگى بار ادامدارعا ارنالعان ورتالىق،
- الەۋمەتتىك از قامتىلعان وتباسىلاردى ءداستۇرلى قولونەردى دامىتۋ ارقىلى قولداۋ جوباسى،
- الەۋمەتتىك وسال وتباسىلاردىڭ بالالارىنا ارنالعان «شىڭعا ورلەۋ» ءبىلىم بەرۋ جوباسى.
جىل باسىنان بەرى اۋداندا كەڭ اۋقىمدى الەۋمەتتىك قولداۋ كورسەتىلدى:
19 مىڭ ادام ءبىر رەتتىك الەۋمەتتىك كومەك الدى،
564 وتباسى – اتاۋلى الەۋمەتتىك كومەكپەن قامتىلدى،
127 وتباسى – تۇرعىن ءۇي كومەگىن الدى،
248 زەينەتكەر – ساناتوريي-كۋرورتتا ەمدەلۋگە جولداما الدى.
ەرەكشە سانات – مۇمكىندىگى شەكتەۋلى جاندار. اكىمنىڭ ايتۋىنشا، مۇگەدەكتىگى بار 8417 ازامات الەۋمەتتىك قىزمەتپەن، وڭالتۋ قۇرالىمەن قامتىلعان.
بۇدان بولەك، اۋدان كوپبالالى انالاردى دا ەسكەرىپ جاتىر: 246 ايەل «التىن القا» جانە «كۇمىس القامەن» ماراپاتتالىپتى.
الەۋمەتتىك قولداۋ اۋداننىڭ دامۋىنداعى نەگىزگى باسىمدىقتىڭ ءبىرى بولىپ قالا بەرەتىنىن ايتتى دانيار قىرىقبايەۆ. ىسكە اسىپ جاتقان جوبالار مىڭداعان تۇرعىندى قامتىپ، ولاردىڭ ءومىرىن جاقسارتۋعا مۇمكىندىك بەرگەن.