«Halyk» قايىرىمدىلىق قورى حالىقارالىق قارتتار كۇنىنە وراي الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنا قارايتىن «شاڭىراق» الەۋمەتتىك قىزمەت ورتالىعىندا مەرەكەلىك كونسەرت ۇيىمداستىردى.
قاريالار الدىندا «ميراس» حالىقارالىق مەكتەبى، الماتى حالىقارالىق مەكتەبى جانە «ارىستان» مامانداندىرىلعان ليسەيiءنىڭ وقۋشىلارى مەن ق ر ەڭبەك سىڭىرگەن قايراتكەرلەرى مەدەۋ ارىنبايەۆ پەن سۇلۋشاش نۇرماعامبەتوۆا ونەر كورسەتتى.
«ءبىز ءاردايىم ۇلكەنگە قۇرمەت كورسەتۋدى ەستەن شىعارمايمىز. «قارتى بار ەلدىڭ قازىناسى مول» دەگەندەي، بۇنداي ءىس-شارالار وسكەلەڭ جاس ۇرپاققا ۇلگى بولارى ءسوزسىز. "Halyk" قورىنىڭ قولداۋى بۇل كىسىلەردىڭ كوڭىل-كۇيىن كوتەرىپ، ءومىر سۇرۋگە دەگەن قۇشتارلىعىن، كۇش-قۋاتىن ارتتىرادى دەگەن ۇمىتتەمىز. ءبىزدىڭ ماقساتىمىز – قاريالارعا دەگەن ىستىق ىقىلاسىمىزدى، ءبىز ءاردايىم وزدەرىمەن بىرگە ەكەنىمىزدى ءبىلدىرۋ»، - دەيدى Halyk قورىنىڭ ديرەكتورى ساعىنبەك شۇڭكەيەۆ.
مەرەكە سوڭىندا «Halyk» قايىرىمدىلىق قورى كوپبالالى انالار مەن مۇگەدەكتەر قاۋىمداستىعىنداعى كاسىپكەرلەردەن 305 جاستىق پەن 305 كورپە ساتىپ الىپ، ورتالىقتاعى قارتتارعا سىيعا تارتتى.
ايتا كەتەيىك، بۇل ءىس-شارا «Halyk» قايىرىمدىلىق قورىنىڭ ەلىمىزدىڭ تۇكپىر-تۇكپىرىندەگى مۇقتاج جانداردى قولداۋعا جانە حالىقتىڭ ءومىر ءسۇرۋ جاعدايىن جاقسارتۋعا باعىتتالعان جوبالارىنىڭ ءبىرى. اتالعان قور وسى كۇنگە دەيىن 120-دان استام الەۋمەتتىك جوبانى جۇزەگە اسىرىپ، 85 ميلليارد تەڭگەگە كومەك كورسەتتى.