الماتىداعى ەڭ جاس ناۋرىزباي اۋدانىندا ءبىرىنشى جارتىجىلدىقتا 100 مىڭ شارشى مەتر تۇرعىن ءۇي پايدالانۋعا بەرىلدى
2024 جىلى الماتىداعى ناۋرىزباي اۋدانىنىڭ بيۋدجەتى 4 ملرد تەڭگەگە ءوسىپ، 18 ملرد تەڭگەگە جەتتى. بيىل ماۋسىمدا اۋدان بيۋدجەتى تاعى 5 ملرد تەڭگەگە ءوسىپ، 23 ملرد تەڭگە بولدى. بۇل تۋرالى قالا اكىمى ەربولات دوسايەۆ اۋدان تۇرعىندارىمەن كەزدەسۋدە مالىمدەدى، دەپ حابارلايدى almaty-akshamy.kz
الماتى اكىمى بيىل قۇرىلعانىنا 10 جىل بولاتىن دامىپ كەلە جاتقان اۋدان تۇرعىندارىنىڭ الەۋمەتتىك جانە ينفراقۇرىلىمدىق ماسەلەسىن شەشۋگە قارجى جۇمسالاتىنىن اتادى. ءبىرىنشى جارتىجىلدىقتىڭ قورىتىندىسى اۋداننىڭ سەرپىندى الەۋمەتتىك-ەكونوميكالىق دامۋىن ايعاقتايدى.
ماسەلەن، جۇمىس ىستەپ تۇرعان بيزنەس سۋبەكتىلەرىنىڭ سانى 15%-عا ءوسىپ، 22 396-عا جەتتى. بۇل وتكەن جىلدىڭ وسى كەزەڭىمەن سالىستىرعاندا سالىق ءتۇسىمىن 60%-عا ارتتىرىپ، 25 ملرد تەڭگەگە دەيىن ۇلعايتۋعا مۇمكىندىك بەردى. 1800 جاڭا تۇراقتى جۇمىس ورنى قۇرىلدى.
سونداي-اق، وسى جىلدىڭ 6 ايىندا ناۋرىزباي اۋدانىندا 100 مىڭ شارشى مەتردەن استام تۇرعىن ءۇي پايدالانۋعا بەرىلدى، بۇل 2023 جىلدىڭ وسى كەزەڭىمەن سالىستىرعاندا 23%-عا ارتىق.