الماتى اكىمى ەربولات دوسايەۆ ناۋرىزباي اۋدانى تۇرعىندارىمەن كەزدەسۋ بارىسىندا اۋدان حالقىن تۇراقتى سۋمەن قامتۋ جانە كارىز جۇيەسىمەن قامتاماسىز ەتۋ باسىم باعىتتىڭ ءبىرى ەكەنىن اتادى، دەپ حابارلايدى almaty-akshamy.kz
قالاعا قوسىلعان ءبىراز اۋماقتا ساياجاي مەن باۋ-باقشا سەرىكتەستىكتەرى ورنالاسقان. ءبىر كەزدەرى مۇندا جىل بويى پايدالانۋعا ارنالماعان جەلىلەر سالىندى. سونىڭ ناتيجەسىندە شاعىن اۋدانداردىڭ تۇرعىندارىن تۇراقتى تۇردە سۋمەن قامتۋدا قيىندىق تۋىندادى.
وسىعان بايلانىستى اۋداندا تۇرعىنداردى تۇراقتى سۋمەن جانە سۋ بۇرۋ جەلىلەرىن قامتاماسىز ەتۋ بويىنشا جۇمىستار قولعا الىنعان. بيىل شىلدەدە ورتالىقسىزداندىرۋ اياسىندا اۋدان اكىمدىگى اقجار جانە قاراعايلى شاعىن اۋدانىندا 90 كم جاڭا سۋمەن قامتۋ جانە سۋ بۇرۋ جەلىلەرىن سالۋ جۇمىستارىن باستادى. بۇل ماقساتقا 3،5 ملرد تەڭگە ءبولىندى. جۇمىستى 2025 جىلدىڭ قازان ايىنا دەيىن اياقتاۋ جوسپارلانعان.
اۋداننىڭ وڭتۇستىك بولىگىنىڭ تۇرعىندارى قارعالى مەن اقسايدىڭ ەكى نەگىزگى سۋ كوزدەرىندە سۋ لايلانسا سۋدىڭ بەرۋى شەكتەلەدى. بۇل ماسەلەنى شەشۋ ءۇشىن «قارعالى» سۋ جيناعىشىن سالۋ تۋرالى شەشىم قابىلداندى. ءقازىر سۋ جيناعىش، ماگيسترالدىق سۋ قۇبىرى، سۋ دايىنداۋ ستانسياسى جانە سۇزگى ستانسياسىنىڭ قۇرىلىسى سىندى قۇرىلىستىڭ 1 كەزەڭى اياقتالدى.
ەكىنشى كەزەڭدە سۋ تارتۋدى تولىق ىسكە قوسۋ ءۇشىن ۇزىندىعى 6،5 كم جاڭا كارىز كوللەكتورىنىڭ قۇرىلىسىن اياقتاۋ جوسپارلانعان. بيىل قىركۇيەك ايىنا دەيىن ءبىتىرۋ كوزدەلگەن. بۇل اۋداننىڭ 50 مىڭنان استام تۇرعىنىن سۋمەن تۇراقتى قامتاماسىز ەتۋگە جول اشادى.
سونداي-اق، ناۋرىزباي اۋدانىنىڭ باتىس بولىگىنىڭ 150 مىڭ تۇرعىنىن جانە الماتى وبلىسىنىڭ ەكى اۋىلىن ساپالى سۋمەن قامتاماسىز ەتەتىن «اقساي» سۋ جيناعىشىنىڭ قۇرىلىسى جۇرگىزىلىپ جاتىر. جوبانى 2025 جىلدىڭ قاراشا ايىندا اياقتاۋ كوزدەلگەن، قازىرگى ۋاقىتتا جۇمىس 55% ءبىتتى.
بۇعان قوسا، وسى جىلدىڭ قىركۇيەك ايىندا تاستىبۇلاق جانە تاۋسامالى شاعىن اۋداندارىندا ينجەنەرلىك جەلىلەر سالۋ جوباسى بويىنشا مەملەكەتتىك ساراپتاما قورىتىندىسى شىعادى. قۇرىلىس-مونتاجداۋ جۇمىستارىن 2025 جىلدىڭ كوكتەمىندە باستاپ، 2026 جىلدىڭ II توقسانىندا اياقتاۋ جوسپارلانعان.