بۇل تۋرالى «قازاقستان ۇلتتىق ليفتشىلەر قاۋىمداستىعى» مالىمدەپ وتىر.
ماماندار ەڭ ءقاۋىپتى ليفتىلەر ەسكى ۇيلەر مەن جاڭادان سالىنىپ جاتقان ەكونوم ساناتتاعى ۇيلەردە ەكەنىن ايتادى، دەپ حابارلايدى Almaty-akshamy.kz.
Qazaqstan.tv كەلتىرگەن دەرەك بويىنشا، مۇنداي تۇرعىن ۇيدە ءورت بولا قالسا، جەدەلساتىلاردىڭ ءىشى بىردەن تۇتىنگە تولىپ تۇگى قالماي جانىپ كەتۋ ءقاۋپى بار.
«سوڭعى تالاپقا ساي ەگەر تۇرعىن ءۇيدىڭ ىشىندە ءورت بولسا قالسا ءليفتى لاۋلاپ جانىپ كەتپەۋى كەرەك. سول ءۇشىن دە بارلىق ۇيلەردە ورتكە ءتوزىمدى ليفت ءتۇرى ورناتىلۋى ءتيىس. ءبىراق كوپ قۇرىلىس كومپانياسى بۇل قاۋىپسىزدىك شاراسىن ەلەمەي وتىر. تەك سوڭعى كەزدەرى كومفورت ساناتتى ۇيلەردى سالىپ جاتقاندار عانا ورتكە ءتوزىمدى ليفت ورناتۋدا»، - دەيدى «قازاقستان ۇلتتىق ليفتشىلەر قاۋىمداستىعى» زتب پرەزيدەنتى ەرجان يگىبايەۆ.