ءبىلىم گرانتىن تاعايىنداۋ كوميسسياسى ءوز جۇمىسىن اياقتادى

بۇگىن مەملەكەتتىك ءبىلىم گرانتتارىن تاعايىنداۋ جونىندەگى رەسپۋبليكالىق كوميسسيا ءوز جۇمىسىن اياقتادى.

كوميسسيا قۇرامىنداعى بىلىكتى دە كاسىبي الەۋەتى جوعارى ءتۇرلى سالا ساراپشىلارى تاباندى ەڭبەك ەتىپ، اۋقىمدى جۇمىس جاساي ءبىلدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

وسى رەتتە بيىلعى كوميسسيا ساپىندا پارلامەنت دەپۋتاتتارى، مەملەكەتتىك ورگاندار مەن بiلiم سالاسى كاسiپوداقتارىنىڭ جەتەكشىلەرى جانە «اتامەكەن» ۇلتتىق كاسiپكەرلەر پالاتاسىنىڭ، جوعارعى وقۋ ورىندارى قاۋىمداستىعىنىڭ، قوعامدىق ۇيىمداردىڭ وكىلدەرى بولدى.

ەندى تالاپكەرلەردىڭ ۇبت-دا جيناعان بالدارىنا جانە بەكىتىلگەن ەرەجەلەرگە سايكەس كونكۋرستىق نەگىزدە ءبىلىم گرانتتارى تاعايىندالادى.

«ساپالى جانە قاجىرلى قىزمەتى ءۇشىن كوميسسيا مۇشەلەرىنە شەكسىز العىسىمدى بىلدىرەمىن. بيىل ءبىلىم گرانتىن تاعايىنداۋ كونكۋرسىنا قاتىسۋعا 94 مىڭنان استام ءوتىنىم بەرىلدى. تالاپكەرلەردىڭ باسىم بولىگىنىڭ تاڭداۋى «پەداگوگيكالىق عىلىمدار»، «ينجەنەرلىك، وڭدەۋ جانە قۇرىلىس سالالارى» جانە «اقپاراتتىق-كوممۋنيكاسيالىق تەحنولوگيالار» باعىتتارىنداعى ماماندىقتارعا ءتۇستى»، - دەپ مالىمدەدى عىلىم جانە جوعارى ءبىلىم ءمينيسترى ساياسات نۇربەك.

كونكۋرستىق ءىرiكتەۋدiڭ قورىتىندىسى عىلىم جانە جوعارى بiلiم مينيسترلiگiءنىڭ ينتەرنەت رەسۋرسىندا، Telegram ارناسىندا جانە ۆەدومستۆونىڭ الەۋمەتتىك جەلىدەگى رەسمي پاراقشالارىندا 10 تامىزعا دەيىن جاريالانادى.

ال جوعارى وقۋ ورىندارىنا قۇجات قابىلداۋ 25 تامىزدا اياقتالادى.