الماتىداعى كوللەدجدە «زاڭ جانە ءتارتىپ» اتتى پروفيلاكتيكالىق ءدارىس ءوتتى

 5 قاراشا كۇنى ءبىلىم باسقارماسىنىڭ قولداۋىمەن الماتى ءسان جانە قىزمەت كورسەتۋ سالاسى كوللەدجىندە «زاڭ جانە ءتارتىپ» تۇجىرىمداماسى اياسىنداعى پروفيلاكتيكالىق ءدارىس ءوتتى.
ءىس-شارانى كوللەدج ديرەكتورىنىڭ وقۋ-تاربيە ءىسى جونىندەگى ورىنباسارى وماروۆا كۇنىماي نۇرلىبايەۆنا ۇيىمداستىردى.
بۇگىنگى كەزدەسۋدىڭ قوناعى – ومىرلىك تاجىريبەسى مول، الماتى قالالىق پروكۋراتۋراسىنىڭ ارداگەرى سەيتقازييەۆا گۇلميرا ينياتوۆنا.
سىزدەرگە ءوز تاجىريبەسىنەن مىسال كەلتىرە وتىرىپ، زاڭعا باعىنۋدىڭ ماڭىزىن تۇسىندىرمەك.

پروفيلاكتيكالىق ءدارىستىڭ ماقساتى – ستۋدەنتتەر مەن جاستاردىڭ قۇقىقتىق ساۋاتتىلىعىن ارتتىرۋ، زاڭ تالاپتارىن ورىنداۋدىڭ ماڭىزىن ءتۇسىندىرۋ، قۇقىق بۇزۋشىلىقتىڭ الدىن الۋ جانە ازاماتتىق جاۋاپكەرشىلىك سەزىمىن قالىپتاستىرۋ.

ءىس-شارانى الماتى ءسان جانە قىزمەت كورسەتۋ سالاسى كوللەدجىنىڭ ديرەكتورى دجۋنيسالييەۆ جانبولات سمان ۇلى اشىپ بەرىپ، ستۋدەنتتەرگە ىزگى تىلەكتەرىن ءبىلدىردى.
ءدارىس بارىسىندا تىڭداۋشىلارعا قازاقستان رەسپۋبليكاسىنىڭ كونستيتۋسياسى، قىلمىستىق كودەكسى جانە اكىمشىلىك قۇقىق بۇزۋشىلىق تۋرالى كودەكسىنىڭ نەگىزگى باپتارى ءتۇسىندىرىلىپ، ناقتى ومىرلىك مىسالدار كەلتىرىلدى.
سونداي-اق، جاستار اراسىندا كەزدەسەتىن قۇقىق بۇزۋشىلىق تۇرلەرى – ۇساق بۇزاقىلىق، كيبەربۋللينگ، الەۋمەتتىك جەلىدەگى زاڭسىز ارەكەتتەر، جول قوزعالىسى ەرەجەلەرىن بۇزۋ ماسەلەلەرى تالقىلاندى.

زاڭ مەن ءتارتىپ – مەملەكەتىمىزدىڭ بەرىك ىرگەتاسى. ءار ازامات زاڭدى قۇرمەتتەپ، ءتارتىپ ساقتاعاندا عانا قوعامدا تۇراقتىلىق پەن ادىلدىك ورنايدى.

قوعامداعى تۇراقتىلىق پەن قاۋىپسىزدىكتىڭ باستى كەپىلى – زاڭعا باعىنۋ جانە قوعامدىق ءتارتىپتى ساقتاۋ. مەملەكەتىمىزدىڭ دامۋى مەن وركەندەۋى ءۇشىن ءاربىر ازاماتتىڭ قۇقىقتىق مادەنيەتى مەن جاۋاپكەرشىلىك سەزىمى جوعارى بولۋى قاجەت.
وسى ماقساتتا وقۋ ورىندارىندا، اسىرەسە جاستار اراسىندا پروفيلاكتيكالىق دارىستەردىڭ وتكىزىلۋى ەرەكشە ماڭىزعا يە.

وسىنداي دارىستەر ستۋدەنتتەردىڭ قۇقىقتىق مادەنيەتىن كوتەرىپ، ءوز ارەكەتىنە جاۋاپكەرشىلىكپەن قاراۋعا تاربيەلەيدى.
زاڭ مەن ءتارتىپتى قۇرمەتتەۋ – ءار ازاماتتىڭ پارىزى. ال جاستاردىڭ قۇقىقتىق ساۋاتتى بولۋى – ەل بولاشاعىنىڭ كەپىلى.

قورىتىندىلاي كەلە، پروفيلاكتيكالىق دارىستەر قوعامدا قۇقىقتىق سانانى قالىپتاستىرۋدىڭ ءتيىمدى قۇرالى بولىپ تابىلادى.
ءاربىر جاس زاڭدى ءبىلۋى، ونى ساقتاۋى جانە ءوز قۇقىقتارى مەن مىندەتتەرىن ءتۇسىنۋى قاجەت.
ءتارتىپتى ساقتاۋ – ءوزىڭدى جانە وزگەنى قورعاۋ. سوندىقتان ءاربىر جاس زاڭدى قۇرمەتتەپ، ەلدىڭ بولاشاعى ءۇشىن ءوز جاۋاپكەرشىلىگىن سەزىنۋى ءتيىس.