IBF جانە WBO نۇسقالارى بويىنشا الەم چەمپيونى جانىبەك ءالىمحان ۇلىنىڭ مەنەدجەرى بەرىك سۇلتان بوكسشى بارلىق تيتۋلىنان ايىرىلىپ قالسا، ونىڭ مانسابى قالاي جالعاساتىنىن ايتتى، دەپ حابارلايدى aqshamnews.kz
"شىنىمدى ايتسام، ءبىزدى ەكى ءتۇرلى شەشىم كۇتىپ تۇر. كاسىپقوي بوكس — ۇلكەن بيزنەس. ءبىز قازاقستاننىڭ تۋىن كوتەرگىمىز كەلەدى، ءبىراق شەتەلدە بوكس كوبىنە اقشا تابۋدىڭ قۇرالى. ءبىز ەكى شەشىمدى كۇتەمىز: 8 قاڭتاردا “ۆ سىناماسى” اشىلىپ، ءبارى تازا ەكەنى انىقتالسا، ءبىزدى تيتۋلداردان ايىرمايدى، ءارى الەمدىك بوكستا مانسابىمىزدى جالعاستىرامىز. ەگەر قاننان نەمەسە زاردەن قانداي دا ءبىر جولمەن تىيىم سالىنعان زاتتار تابىلسا، وندا جانىبەك ءالىمحانۇلىن ەكى تيتۋلدان ايىرادى دا، قانشا ۋاقىتقا ەكەنىن بىلمەيمىن، ءبىراق مۇمكىن 1،5 جىلعا، 1 جىلعا نەمەسە 6 ايعا بوكستان شەتتەتۋى ىقتيمال. ونداي جاعدايدا ءبىز كۇيزەلىسكە تۇسپەۋىمىز كەرەك — جازادان كەيىن بوكستا جولىمىزدى جالعاستىرامىز. ءالى كەش ەمەس. جانىبەك نەبارى 33 جاستا. كەشە عانا 38 جاستاعى كروۋفورد “كانەلونى” جەڭدى، 38 جاستاعى ۋسيكتى بىلەسىز، بيۆول بار، بەتەربييەۆ بار"، دەدى ب. سۇلتان.
ايتا كەتەيىك، بۇعان دەيىن دوپينگ-تەست ناتيجەسى بويىنشا ءالىمحان ۇلىنىڭ قانىنان تىيىم سالىنعان مەلدونيي زاتى تابىلعان. وسىعان بايلانىستى قازاقستاندىق بوكسشىنىڭ كۋبالىق ەريسلاندي لارامەن ورتا سالماقتا ءۇش الەم چەمپيونى اتاعى ءۇشىن ءوتۋى ءتيىس جەكپە-جەگى توقتاتىلدى.