دونالد ترامپ قازاقستان پرەزيدەنتىنە اق ءۇيدىڭ سيمۆوليكالىق كىلتىن سىيلادى، دەپ حابارلايدى aqshamnews.kz
قازاقستان رەسپۋبليكاسىنىڭ اقش-تاعى توتەنشە جانە وكىلەتتى ەلشىسى ماعجان ءىلياسوۆ 2025 جىلدىڭ 16 جەلتوقسانىندا پرەزيدەنت دونالد ترامپقا سەنىم گراموتاسىن تاپسىردى.
قازاقستان رەسپۋبليكاسى پرەزيدەنتىنىڭ كومەكشىسى – باسپا ءسوز حاتشىسى رۋسلان جەلدىبايدىڭ 2025 جىلدىڭ 23 جەلتوقسانىندا تاراتقان اقپاراتىنا سۇيەنسەك، راسىمنەن كەيىن تاراپتار قىسقاشا اڭگىمەلەستى.
كەزدەسۋ بارىسىندا اقش پرەزيدەنتى بيىل قاراشا ايىندا اق ۇيدە قازاقستان پرەزيدەنتى قاسىم-جومارت توقايەۆپەن وتكەن كەزدەسۋدەن العان اسەرىمەن ءبولىستى.
دونالد ترامپ مەملەكەت باسشىسىنا جىلى لەبىزىن ءبىلدىرىپ، ونى "حالىقارالىق ۇدەرىستەردى تەرەڭ بىلەتىن، جان-جاقتى تۇسىنەتىن تاجىريبەلى مەملەكەت قايراتكەرى، تاماشا تۇلعا" دەپ سيپاتتادى.
سونداي-اق اقش پرەزيدەنتى قاسىم-جومارت توقايەۆقا سىي-سياپات جولدادى. ولاردىڭ قاتارىندا اق ءۇيدىڭ سيمۆوليكالىق كىلتى مەن دونالد ترامپتىڭ جەكە قولتاڭباسى قويىلعان بەيسبولكا بار.