"Halyk ورمانى" جوباسى 2025 جىلى قازاقستاندا ىسكە قوسىلعان ەڭ ءىرى الەۋمەتتىك باعىتتاعى ورمان ەگۋ باعدارلاماسى رەتىندە تانىلدى.
بۇل – Ranking.kz اناليتيكالىق باسىلىمنىڭ جاساعان قورىتىندى ناتيجەسى. وندا ورمان الاڭدارىنىڭ ءوسۋ ديناميكاسى مەن ەلىمىزدىڭ تابيعي كاپيتالىنىڭ قالپىنا كەلۋىنە اسەر ەتىلگەن ۇلەسى قاراستىرىلعان.
ورمان الاڭدارىنىڭ ۇلعايۋى – تۇراقتى ءۇردىس
Ranking.kz مالىمەتتەرىنە سايكەس، كەيىنگى جىلدارى قازاقستاندا ورمان الاڭدارىنىڭ ۇلعايۋى تۇراقتى ۇردىسكە اينالعان. تابيعي-كليماتتىق شەكتەۋلەر مەن ورمان اۋماقتارىنىڭ از بولۋىنا قاراماستان، بۇل وڭ وزگەرىس جۇيەلى مەملەكەتتىك باعدارلامالار مەن بيۋدجەتتەن تىس رەسۋرستاردى تارتۋ ارقىلى جۇزەگە اسىرىلىپ وتىر.
اناليتيكالىق ماتەريالدا بۇل ۇدەرىستە مەملەكەتتىك ورگاندارمەن سەرىكتەستىكتە جۇزەگە اسىرىلىپ جاتقان ءىرى جەكە جانە قايىرىمدىلىق باستامالارىنىڭ ءرولى ارتا تۇسكەنى ايتىلادى.
"Halyk ورمانى" – كولەمى مەن قامتۋى بويىنشا ەڭ ءىرى باستاما
Ranking.kz مالىمەتىنشە، "Halyk ورمانى" جوباسى وتىرعىزۋ كولەمى، ىسكە اسىرىلۋ اۋماعى جانە باعدارلامانىڭ ۇزاق مەرزىمدى سيپاتى سەكىلدى نەگىزگى كورسەتكىشتەر بويىنشا ەلدەگى ورماندى قالپىنا كەلتىرۋدىڭ ەڭ ءىرى جەكە باستاماسى رەتىندە ەرەكشەلەنەدى.
جوبا اياسىندا بەس جىل ىشىندە 4 ميلليوننان اسا كوشەت وتىرعىزۋ جوسپارلانعان، سونىڭ ىشىندە ىلە-الاتاۋ ۇلتتىق پاركى، "سەمەي ورمانى" تابيعي رەزەرۆاتى جانە ەلوردانىڭ جاسىل بەلدەۋى سياقتى ەكولوگيالىق تۇرعىدان ماڭىزدى اۋماقتاردى قامتىلادى. باعدارلاما ق ر ەكولوگيا جانە تابيعي رەسۋرستار مينيسترلىگىمەن بىرلەسىپ جۇزەگە اسىرىلادى.
ورمان قورىن قالپىنا كەلتىرۋگە جۇيەلى قادام
Ranking.kz مالىمەتىنشە، ەڭ ۇلكەن ەكولوگيالىق ناتيجە اۋقىمدى ءارى جۇيەلى جوبالار ارقىلى عانا بولادى. ياعني مۇنداي جوبالار اعاش وتىرعىزۋمەن شەكتەلمەي، جۇمىستى كەزەڭ-كەزەڭىمەن جۇرگىزەدى، كوشەتتەردىڭ وتىرعىزىلۋىن باقىلايدى جانە كەيىنگى كۇتىم جاسايدى. مۇنداي ءتاسىل ءبىر رەتتىك اكسيا ەمەس، ۋاقىت وتە تۇراقتى ورمان القابىن قالىپتاستىرۋعا مۇمكىندىك بەرەدى.
سونداي-اق، شولۋدا قايىرىمدىلىق جوبالار مەن جەكە باستامالاردىڭ قاتىسۋى مەملەكەتتىك ورمان شارۋاشىلىقتارىنىڭ جۇمىسىن كۇشەيتىپ، باسىم اۋماقتاردا ورماندى قالپىنا كەلتىرۋ پروسەسىن جەدەلدەتۋگە ىقپال ەتەتىنى اتاپ وتىلەدى.
ەكولوگيالىق تۇراقتىلىق – ۇزاق مەرزىمدى باسىمدىق
Ranking.kz دەرەگىنشە، تيمۋر قۇلىبايەۆتىڭ Halyk قورىنىڭ «Halyk ورمانى» جوباسى بۇگىندە قازاقستانداعى ورمان وتىرعىزۋ بويىنشا ەڭ ءىرى باستاما سانالادى. جوبانى ىسكە اسىرۋ ەل كولەمىندە ورمان القاپتارىن كوبەيتۋ، ەكوجۇيەلەردى قالپىنا كەلتىرۋ جانە قازاقستاننىڭ ۇزاقمەرزىمدى ەكولوگيالىق تۇراقتىلىعىن قالىپتاستىرۋ باعىتىن كۇشەيتەدى.
كليماتتىق سىن-قاتەرلەر كۇشەيىپ، انتروپوگەندىك جۇكتەمە ارتقان قازىرگى كەزدە مۇنداي باستامالار – قازاقستاننىڭ تابيعي كاپيتالىن ساقتاۋعا جانە كوبەيتۋگە باعىتتالعان جۇيەلى جۇمىستىڭ ماڭىزدى بولىگى.