ەڭبەك جانە حالىقتى الەۋمەتتىك قورعاۋ ءمينيسترىنىڭ مىندەتىن اتقارۋشى 2025 جىلعى 12 جەلتوقساندا "2026 جىلعا قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋ ءۇشىن شەتەلدىك جۇمىس كۇشىن تارتۋ كۆوتاسىن بەلگىلەۋ تۋرالى" بۇيرىققا قول قويدى، دەپ حابارلايدى aqshamnews.kz
2026 جىلعا قازاقستان رەسپۋبليكاسىنىڭ اۋماعىندا ەڭبەك قىزمەتىن جۇزەگە اسىرۋ ءۇشىن شەتەلدىك جۇمىس كۇشىن تارتۋعا ارنالعان كۆوتا جۇمىس كۇشى سانىنا پايىزدىق قاتىناستا مىناداي مولشەردە بەلگىلەندى:
جۇمىس بەرۋشىگە جەرگىلىكتى اتقارۋشى ورگان بەرەتىن رۇقساتتار بويىنشا – 0،25%؛
ەڭبەك يمميگرانتتارىن تارتۋ ءۇشىن – 2،9%.
اتالعان بۇيرىق 2026 جىلعى 2 قاڭتاردان باستاپ قولدانىسقا ەنگىزىلەدى.
بۇعان دەيىن حابارلانعانداي، اعىمداعى جىلدىڭ تامىز ايىندا شەتەلدىك جۇمىسشىلاردى تارتۋعا ارنالعان كۆوتا مىناداي تۇردە قايتا بولىنگەن:
جۇمىس بەرۋشىگە جەرگىلىكتى اتقارۋشى ورگان بەرەتىن رۇقساتتار بويىنشا كۆوتا 0،2%-دان 0،25%-عا دەيىن ۇلعايتىلدى؛
ەڭبەك يمميگرانتتارىن تارتۋعا ارنالعان كۆوتا 3%-دان 2،95%-عا دەيىن تومەندەتىلدى.