قىسقا بەينەروليكتەر جاساۋ مەن كورۋدىڭ جەتەكشى پلاتفورماسى TikTok "قازاقستان مۇعالىمدەرى" بايقاۋىن جاريالايدى. ەلىمىزدە ءتورتىنشى رەت وتكىزىلىپ وتىرعان باستاما اياسىندا پلاتفورما ەلىمىزدىڭ بارلىق پەداگوگتارىن ءوز پاندەرى بويىنشا قىسقا تانىمدىق بەينەروليكتەر فورماتىندا بىلىمدەرىمەن بولىسۋگە شاقىرادى.
قازاقستان رەسپۋبليكاسىنىڭ وقۋ-اعارتۋ مينيسترلىگى مەن عىلىم جانە جوعارى ءبىلىم مينيسترلىگى باستامانىڭ ءداستۇرلى سەرىكتەستەرى بولىپ تابىلادى. جوبانى مەملەكەتتىك مەكەمەلەردىڭ قولداۋى پلاتفورمانىڭ كەڭ اۋديتوريا اراسىندا ءبىلىمدى تانىمال ەتۋ ىسىندەگى ماڭىزدى ءرولىن ايقىنداپ، TikTok-تاعى پەداگوگتار قاۋىمداستىعىنىڭ دامۋىنا ىقپال ەتەدى.
ءتورت جىل بويى كونكۋرس وتكىزۋ بارىسىندا قازاقستاندا مەكتەپ مۇعالىمدەرى، كوللەدج وقىتۋشىلارى جانە جوعارى وقۋ ورىندارىنىڭ پروفەسسورلىق-وقىتۋشىلىق قۇرامىن بىرىكتىرگەن ءبىلىم بەرۋ كونتەنتى اۆتورلارىنىڭ مىقتى قاۋىمداستىعى قالىپتاستى، ال جالپى بەينەروليكتەر سانى 90 مىڭنان استى. بۇرىنعى جەڭىمپازدار - بوتاگوز وماروۆا، حايدار مۋرزاحمەتوۆ، بايبولات سەيداحان، ەۆگەنيي سولونيسىن - ءوز ۇلگىسىمەن قىسقا بەينەروليك فورماتىنداعى تانىمدىق كونتەنتتىڭ قىزىقتى ءارى ميلليونداعان قارالىم جيناي الاتىنىن دالەلدەدى.
«بۇل بايقاۋ ۇستازدىڭ ىقپالى سىنىپ شەگىنەن الدەقايدا اسىپ تۇسەتىنىن دالەلدەدى. TikTok-تا جاس تا، اراقاشىقتىق تا ماڭىزدى ەمەس – ءوزىن كورسەتە الاتىن مۇمكىندىك بارىنە بار. مەن شالعاي اۋىلدا تۇرامىن، ءبىراق بۇل پلاتفورما ماعان ءوز داۋىسىمدى جەتكىزۋگە مۇمكىندىك بەردى. ءوز تاجىريبەڭ مەن ءبىلىمىڭدى ونلاين بولىسكەندە، سەن تەك وقىتپايسىڭ – اتا-انالارعا، وقۋشىلار مەن ارىپتەستەرگە ءوز ءپانى مەن ماماندىعىنا جاڭا كوزقاراسپەن قاراۋعا جول اشاسىڭ. مەن ءاربىر پەداگوگتىڭ TikTok-تا وزگەلەرگە شابىت سىيلاي الاتىن ءوز تاريحى بار ەكەنىنە سەنەمىن»، – دەيدى الاكول وبلىسىنىڭ دوستىق اۋىلىنداعى ورىس ءتىلى مەن ادەبيەتى ءپانىنىڭ ءمۇعالىمى بوتاگوز وماروۆا.
بوتاگوز 2023 جىلى "قازاقستان مۇعالىمدەرى" بايقاۋىندا جەڭىمپاز اتانىپ، بيىل TikTok-تىڭ Discover List تىزىمىنە ەنگەن العاشقى قازاقستاندىق كونتەنت اۆتورى بولدى. بۇل جاھاندىق ءتىزىم – پلاتفورمانى دامىتىپ، ادامدارعا شابىت بەرىپ جۇرگەن ۇزدىك اۆتورلاردى بىرىكتىرەدى.
بايقاۋعا قاتىسۋ ءۇشىن پەداگوگتەر مەن جوعارى وقۋ ورىندارىنىڭ وقىتۋشىلارى 19 قاراشاعا دەيىن جوبا پاراقشاسىندا ءوتىنىم بەرىپ، #ۋچيتەلياكازاحستانا حەشتەگىمەن كەم دەگەندە ءبىر بەينەروليك جاريالاۋى قاجەت. روليكتار تانىمدىق سيپاتتا بولىپ، اۆتوردىڭ وقىتاتىن پانىنە ساي كەلۋى ءتيىس. اۆتوردىڭ بەينەروليگى 1 000-نان استام قارالىم جيناعان جاعدايدا، ول ءوز ءپروفيلى ءۇشىن ەكسكليۋزيۆتى جيەككە يە بولادى. ال بەينەسى 5 000-نان استام قارالىم جيناعان قاتىسۋشىلار ءۇش iPhone 17 ۇيالى تەلەفونىنىڭ ءبىرىن ۇتىپ الۋ مۇمكىندىگىنە يە بولادى. جەڭىمپازدار اۋديتوريانىڭ بەلسەندىلىگى مەن تارتىلۋ دەڭگەيى نەگىزىندە انىقتالادى. تولىق ەرەجەلەر TikTok قوسىمشاسىنداعى بايقاۋ بەتىندە قولجەتىمدى.
«ءبىزدىڭ جوبامىز كوپتەگەن مىندەتتەردى شەشەدى: پەداگوگ ماماندىعىن ناسيحاتتايدى، وقىتۋشىلاردى سيفرلىق كونتەنت جاساۋدى مەڭگەرۋگە ىنتالاندىرادى، ولارعا وزدەرىن تانىتىپ، اۋديتورياسىن سىنىپ شەڭبەرىنەن تىس كەڭەيتۋگە مۇمكىندىك بەرەدى. سونداي-اق، ميلليونداعان قولدانۋشىلارعا بەدەلدى ءبىلىم يەلەرىنەن ۇيرەنۋگە جول اشادى. بيىل دا بۇل جوبا قازاقستان ءبىلىم بەرۋ سالاسىنىڭ جاڭا تۇلعالارىن اشىپ، ولاردىڭ شىعارماشىلىق الەۋەتىن كورسەتەتىنىنە سەنىمدىمىز»، — دەدى TikTok كومپانياسىنىڭ تۇركيا، شىعىس ەۋروپا جانە ورتالىق ازيا بويىنشا وپەراسيالىق ءبولىم باسشىسى مەليس چاگلار.
TikTok تۋرالى
TikTok – قىسقا ۆيدەوروليكتەرگە ارنالعان جەتەكشى پلاتفورما. ءبىزدىڭ ميسسيامىز – ادامداردى شىعارماشىلىققا شابىتتاندىرۋ جانە ولارعا قۋانىش سىيلاۋ.