ول ءۇشىن ارناۋلى "ۇيىقتايتىن پارتا" دا بار.
ەندى بالاقايلار ءۇزىلىس كەزىندە كوز ءىلىندىرىپ السا بولادى، دەپ حابارلايدى aqshamnews.kz 24.kz-كە سىلتەمە جاساپ.
مەكتەپتەر زامان ۇدەرىسىنەن قالماۋدى كوزدەيدى. جاساندى ينتەللەكتىنى دە بارىنشا پايدالانىپ كەلەدى. مۇنىڭ ءبارى بالانىڭ عانا ەمەس، ءمۇعالىمنىڭ دە جۇمىسىن جەڭىلدەتەدى. وعان قوسا، ساباقتى قىزىق، مازمۇندى ەتىپ وتكىزۋگە سەپ.
ۇزاق ۋاقىت تاپجىلماي وتىرۋ – بۇعاناسى بەكىمەگەن بالالارعا وڭاي ەمەس. ونىڭ ۇستىنە كەيبىرى الىستان كەلەدى. ەرتە تۇرعاندىقتان ۇيقىسى قانبايدى. كەپتەلىستە تۇرىپ تاعى شارشايدى. وسىنىڭ ءبارى وقۋشىنىڭ دەنساۋلىعىنا كەرى اسەر ەتۋى مۇمكىن. ەندى 20 مينۋتتىق ۇزىلىستە پارتالارىن سوزىپ، جاتىپ دەمالىپ الادى. مۇنى «ۇيىقتايتىن پارتا» دەيدى. بيىل الماتىداعى 15-گيمنازيانىڭ باستاۋىش سىنىپتارىنا تۇگەلدەي وسىنداي پارتا قويىلدى.
راۋان جاناتحانوۆا، №15 گيمنازيانىڭ ءمۇعالىمى:
ونىڭ ەرەكشەلىگى – وقۋشىلار قوڭىراۋ كەزىندە 15-20 مينۋت رەلاكس مينۋت وتكىزە الادى. ياعني جاتقىزىلعان پارتالاردا ۇيىقتاي الادى. ءقازىر عانا مىنە بالالار ۇيىقتاپ تۇردى. ول بالالاردىڭ دەنساۋلىعىنا، ساباقتا وزدەرىن قالاي ۇستاۋىنا، ساباقتاعى وقۋ ۇردىسىنە قالاي اسەر ەتەتىنىن ءبىز تاجىريبەدە باقىلاپ كورەمىز.
ءبىلىم وشاعى الماتىداعى وزىق ۇلگىدەگى مەكتەپتەردىڭ قاتارىنان. بيىل 20 كابينەت قايتا جاڭعىرتىلدى. وعان قوسا، مۇعالىمدەر تۇگەلدەي جاساندى ينتەللەكتى ادىستەرىن ساباقتا قولدانۋ بويىنشا كۋرستان وتكەن. ءقازىر پايداسىن كورىپ وتىر. ارينە ول ۇستازدىڭ ورنىن الماستىرمايدى، ءبىراق جۇمىستى جەڭىلدەتەدى.
بۇلبۇل وسپانبەك، №15 گيمنازيانىڭ ديرەكتورى:
شۆەيساريادا مەموراندۋمعا قول قويعاننان كەيىن، مەكتەپتىڭ ۇستازدارى 100 پايىز وسى كۋرستى ءبىتىردى. بارلىعى ەمەس، ارينە، كەيبىرەۋىندە كەرەمەت جەتىستىكتەر بار. كەيبىرى ەندى ءتاي-تايلاپ كەلە جاتىر. كەز كەلگەن جۇمىسىمىز بولسىن سەناريي جازۋ، عىلىمي ىزدەنىس جۇرگىزسەك تە، ءجاي ءمۇعالىم رەتىندە ساباعىمنىڭ جوسپارىن قۇرسام دا، ينتەللەكت مەنىڭ جۇمىسىمدى جاقسى جەڭىلدەتىپ بەرە الادى.
وعان قوسا، مەكتەپتە ەرەكشە تەاتر جۇمىس ىستەيدى. ساحناعا قاجەت زاتتار مەن كيىمدەر وقۋشىلاردىڭ ءوز قولدارىنان شىققان. سونداي-اق، ەرەكشە ۇلگىدەگى كىتاپحانا مەن پسيحولوگيالىق ستۋديا بار.