656 قارجىلاندىرىلعان جوبا جانە 2،7 مىڭ جاڭا جۇمىس ورنى: الماتىدا كاسىپكەرلىكتى دامىتۋ باعدارلاماسى جۇمىس ىستەيدى
Almaty Business-2025 كاسىپكەرلىكتى دامىتۋدىڭ وڭىرلىك باعدارلاماسى اياسىندا «الماتى» اكك – ءنىڭ ەنشىلەس كومپانيالارى - «Almaty Finance» ج ش س جانە «Almaty» مقۇ ج ش س ارقىلى 36،3 ملرد تەڭگەگە 656 جوبا قارجىلاندىرىلدى، دەپ حابارلايدى aqshamnews.kz
ءىسىن جاڭا باستاعان جانە جۇمىس ىستەپ تۇرعان شاعىن جانە ورتا كاسىپورىندارعا بيزنەستى باستاۋعا نەمەسە دامىتۋعا 7 جىلعا دەيىنگى مەرزىمگە جىلدىق 2% جانە 6% جەڭىلدىكتى مولشەرلەمەمەن قارىزدار بەرىلدى.
ونەركاسىپتىك، يننوۆاسيالىق، ەكسپورتقا باعدارلانعان جوبالار، كرەاتيۆتى يندۋستريا، شاعىن ونەركاسىپتىك پاركتەر (جپپ) جوبالارى، سونداي-اق الماتىنىڭ ارنايى ەكونوميكالىق جانە يندۋستريالدى ايماقتارىنىڭ اۋماعىندا ىسكە اسىرىلاتىن جوبالار قاراۋعا باسىم بولىپ تابىلادى.
وسى جىلدىڭ ءبىرىنشى جارتىجىلدىعىنىڭ قورىتىندىسى بويىنشا Almaty Finance جانە «Almaty» مقۇ قالا بويىنشا 4،5 ملرد تەڭگە سوماعا 55 جوبانى قارجىلاندىردى، وسى جوبالار اياسىندا 348 جۇمىس ورنىن (690 جۇمىس ورنى) قۇرۋ كوزدەلۋدە.
شاعىن ونەركاسىپ پاركتەرىنىڭ قۇرىلىسىن قارجىلاندىرۋمەن قاتار، بيزنەستى دامىتۋعا ارنالعان قارىزداردى ءوندىرىس جانە قايتا وڭدەۋ، دەنساۋلىق ساقتاۋ، ءبىلىم بەرۋ، سونداي-اق الەۋمەتتىك كاسىپكەرلىك، كرەاتيۆتى ەكونوميكا جانە تۋريزم سالالارىنداعى جوبالاردى ىسكە اسىراتىن كاسىپكەرلەر الدى. سونداي-اق، سپورت جانە حالىققا قىزمەت كورسەتۋ سالاسىنداعى جوبالار قارجىلاندىرۋمەن قامتاماسىز ەتىلدى.
- كاسىپكەرلىكتى دامىتۋ باعدارلاماسىنىڭ قولدانىلۋ كەزەڭىندە 2019 جىلدان باستاپ 2024 جىلدىڭ ءبىرىنشى جارتىجىلدىعىنا دەيىن 36،3 ملرد تەڭگە سوماسىنا 656 جوبا قارجىلاندىرىلدى، 2 716 جۇمىس ورنى قۇرىلدى.
- كاسىپكەرلەردى قولداۋعا بولىنگەن بيۋدجەتتەن 25،3 ملرد تەڭگە قايتارىمدى-ريەۆولۆەرلىك قاراجاتتى پايدالانۋ ەسەبىنەن 36،3 ملرد تەڭگە سوماسىنا قارجىلاندىرۋدى قامتاماسىز ەتۋگە مۇمكىندىك بەردى.
- جىل سوڭىنا دەيىن «الماتى» اكك Almaty Finance جانە «Almaty» مقۇ ارقىلى Almaty Business-2025 اياسىندا قارجىلاندىرۋدىڭ جالپى كولەمىن 42 ملرد تەڭگەگە دەيىن جەتكىزۋ، كەمىندە 5 ملرد تەڭگە سوماعا جوبالاردى قوسىمشا قولداۋدى جوسپارلانۋدا.
انىقتاما: 2024 جىلى Almaty Finance نەسيەسىنىڭ ەڭ جوعارى سوماسى 500 ملن تەڭگەنى، ال «Almaty» مقۇ - دا-73،8 ملن تەڭگەنى قۇرايدى.