نيازبەكوۆ كوشەسى، 30/1 مەكەنجايىندا ورنالاسقان عيمارات سوت شەشىمىمەن ءسۇرىلدى.
بۇل تۋرالى الماتىنىڭ قالا قۇرىلىسىن باقىلاۋ باسقارماسىنىڭ وكىلدەرى ايتتى، - دەپ حابارلايدى Aqshamnews.kz.
بۇعان دەيىن جوسپاردان تىس تەكسەرۋ بارىسىندا نىسان يەسىنە (جەكە تۇلعاعا) قاتىستى اكىمشىلىك شارالار قابىلدانىپ، انىقتالعان زاڭبۇزۋشىلىقتاردى جويۋ جونىندە نۇسقاما بەرىلگەن.
الايدا نۇسقاما تالاپتارى ورىندالماعاندىقتان، باسقارما زاڭسىز سالىنعان نىساندى بۇزۋ تۋرالى تالاپ ارىزبەن جەتىسۋ اۋداندىق سوتىنا جۇگىندى. 2024 جىلى 17 جەلتوقسانداعى سوت شەشىمىمەن تالاپ ارىز قاناعاتتاندىرىلدى.
الماتى قالالىق سوتىنىڭ 2025 جىلى 20 اقپانداعى قاۋلىسىمەن ءبىرىنشى ساتىداعى سوت شەشىمى وزگەرىسسىز قالدىرىلدى.
بۇگىنگى تاڭدا سوت شەشىمىن ورىنداۋ اياسىندا نىسان يەسى عيماراتتى ءوز كۇشىمەن بۇزدى.