قالادا جەرگىلىكتى پوليسيا قىزمەتىنىڭ كومەگىمەن زاڭسىز كوشى-قون دەرەكتەرىن انىقتاۋعا باعىتتالعان بىرلەسكەن جەدەل-پروفيلاكتيكالىق ءىس-شارا جۇرگىزىلىپ جاتىر، دەپ حابارلايدى Almaty-akshamy.kz.
قۇرىلىس نىساندارىن تەكسەرۋ ناتيجەسىندە قازاقستان رەسپۋبليكاسىندا بولۋ ەرەجەلەرىن بۇزعان 277 شەتەلدىك انىقتالدى، ولاردىڭ 28ء-ى الىس شەتەلدەردىڭ: نيگەريا – 11، تۇركيا – 19، ءۇندىستان – 3، فيليپپين – 2، جۇڭگو – 1، يران – 1، سونداي-اق كورشىلەس ەلدەردىڭ 249 ازاماتى: وزبەكستان – 184، رەسەي – 38، تاجىكستان – 18، تۇرىكمەنستان – 4، ءازىربايجان – 3، قىرعىزستان – 1 جانە ۋكراينا – 1.
جەكە باسىن كۋالاندىراتىن قۇجاتتارى جوق 145 شەتەل ازاماتى قابىلداپ-تاراتۋعا ورنالاستىرىلسا، تاعى 62ء-سى سوت شەشىمىمەن ەلدەن شىعارىلدى. سونىمەن قاتار شەتەلدىكتەردى شاقىرۋ ەرەجەلەرىن بۇزعان جانە ولاردىڭ دەر كەزىندە ەلدەن شىعۋىن قامتاماسىز ەتپەگەن 82 زاڭدى تۇلعاعا شارا قولدانىلدى.