الماتىداعى تۇرعىن كەشەندەرىنىڭ بىرىندە ايەل ادام ليفت شاحتاسىنا قۇلاپ ءتۇستى، دەپ حابارلايدى aqshamnews.kz
وقيعا تۋرالى اقپارات الەۋمەتتىك جەلىدە جاريالاندى. جەرگىلىكتى تۇرعىننىڭ ايتۋىنشا، ليفت ەسىگى اشىلعانىمەن، كابينا الگى قاباتقا ءالى كەلمەگەن.
الماتى قالاسى اكىمدىگىنىڭ باسپا ءسوز قىزمەتى اگەنتتىك تىلشىسىنە بەرگەن تۇسىنىكتەمەسىندە، وقيعا 1 جەلتوقسان كۇنى ساعات 16:34-تە «پرەمەرا» تۇرعىن كەشەنىندە بولعانىن مالىمدەدى.
ساعات 16:45-تە ليفت قىزمەتكەرى ايەلدى ليفت شاحتاسىنان جەدەل شىعارىپ العان. ەلەكترومەحانيك كەلگەننەن كەيىن ماماندار ليفت جابدىقتارىن مۇقيات تەكسەرىپ، شاحتا مەن كابينا ەسىكتەرىنىڭ قۇلىپتارى دۇرىس جۇمىس ىستەيتىنىن، ەسىكتەرى جارامدى ەكەنىن، ەشقانداي قوسىمشا قوسىلىمداردىڭ جوق ەكەنىن، ەسىك اشۋ مەحانيزمىنىڭ دۇرىس ەكەنىن، سونداي-اق كابينا مەن باسقارۋ ستانسياسىنىڭ پلاتاسىندا دا ەشقانداي رۇقساتسىز قوسىلىمدار انىقتالماعانىن ايتتى.
«وسىلايشا، ليفت شاحتا ەسىكتەرى اشىق تۇرعاندا قوزعالا المايدى. ءقازىر بولعان وقيعانىڭ بارلىق ءمان-جايى انىقتالىپ جاتىر»، – دەپ حابارلادى اكىمدىك.
ايەلگە العاشقى مەديسينالىق كومەك كورسەتىلگەن، ول اۋرۋحاناعا جاتۋدان باس تارتقان.