الماتىدا 3180 مەتر بيىكتىككە شىققان ءۇش ادام تۇماندا اداسىپ قالعانى انىقتالدى، - دەپ حابارلايدى Aqshamnews.kz.
تجم مالىمەتىنشە، كەشە تەڭىز دەڭگەيىنەن سوۆەت شىڭىنا كوتەرىلگەن ءۇش تۋريست قيىن جاعدايدا قالدى. ولار اۋا رايىنىڭ كۇرت ناشارلاۋىنا بايلانىستى: تاۋلى ايماقتى قالىڭ تۇمان باسقاندىقتان، شىڭنان وزدىگىنەن تۇسە الماعان.
تجم رەسپۋبليكالىق جەدەل-قۇتقارۋ جاساعىنىڭ قۇتقارۋشىلارى الماتى قالاسى تجد قۇتقارۋ قىزمەتىمەن بىرلەسىپ، دەرەۋ ىزدەۋ جۇمىستارىنا كىرىستى. تۋريستەرمەن بايلانىس ۇزىلمەي، ولاردىڭ تۇراقتى جەرى انىقتالدى.
«ۇيلەسىمدى جانە جەدەل جۇمىستىڭ ناتيجەسىندە قۇتقارۋشىلار توپقا ءساتتى جەتىپ، ءۇش ءتۋريستى تاۋدان ءتۇسىردى. ولارعا مەديسينالىق كومەك قاجەت بولعان جوق»، – دەلىنگەن تجم حابارلاماسىندا.