«سارى-ارقا كومپاني» جەكەمەنشىك تەمىرجول تاسىمالداۋشىسى ۆاگون پاركىن جاڭارتۋدى جالعاستىرىپ، جەلىگە جاڭا ءۇش پلاسكارت ۆاگون شىعاردى.
تاسىمالداۋشى بۇعان دەيىن ەرەكشە قاجەتتىلىگى بار جاندارعا ارنالعان ارنايى ۆاگوندى ىسكە قوستى، - دەپ حابارلايدى Aqshamnews.kz.
جاڭا ۆاگوندار زاماناۋي جابدىقتارمەن ەرەكشەلەنەدى. ولاردىڭ ىشىندە كونديسيونەرلەر، توڭازىتقىشتار، ارنايى پەشتەر، روزەتكالار مەن گادجەتتەردى قۋاتتاۋعا ارنالعان USB-ۇياشىقتار ورناتىلعان. قاۋىپسىزدىك ءۇشىن بەينەباقىلاۋ كامەرالارى مەن 4G-مودەمدەر قويىلعان، ال قىزمەت كورسەتۋ ساپاسىن ارتتىرۋ ماقساتىندا جولاۋشىلارعا QR ارقىلى پىكىر قالدىرۋ جۇيەسى ەنگىزىلدى.
بۇگىندە كومپانيانىڭ 23 ۆاگونى بەينەباقىلاۋ جۇيەسىمەن جابدىقتالعان، بۇل "استانا – ورال" باعىتى بويىنشا ساپارلاردى ءقاۋىپسىز ءارى جايلى ەتەدى.