الاتاۋ اۋدانىندا ءىرى ينفراقۇرىلىمدىق جوبا اياقتالدى – اقبۇلاق شاعىناۋدانى تولىعىمەن اۋىزسۋمەن جانە كارىزبەن قامتىلدى.
جوبا زاڭسىز شىعارىلعان اكتيۆتەردى قايتارۋ ەسەبىنەن جۇزەگە اسىرىلدى. پرەزيدەنت تاپسىرماسىنا سايكەس بۇل قاراجات الەۋمەتتىك ماڭىزى بار نىسانداردىڭ قۇرىلىسىنا باعىتتالىپ وتىر.
«قايتارىلعان قاراجات ەسەبىنەن ەكى جوبا ىسكە اسىرىلۋدا – اقبۇلاقتا جانە بورالدايدا»، – دەدى الاتاۋ اۋدانى اكىمىنىڭ اپپاراتىنا قاراستى ينجەنەرلىك جانە جول ينفراقۇرىلىمى ءبولىمىنىڭ باسشىسى اباي توپارباي.
اقبۇلاق تۇرعىندارىنىڭ ايتۋىنشا، بۇل ماسەلە كوپ جىلدار بويى شەشىلمەي كەلگەن. 2024 جىلى مۇندا ينجەنەرلىك جەلىلەر تارتىلىپ، بيىل جازدا جولدار جوندەلدى. ءقازىر بارلىق جۇمىستار تولىق اياقتالدى.
«ءبىز بۇل جەردە كوپ جىلدان بەرى تۇرامىز. سۋ بولماعاندىقتان قينالاتىنبىز. وتكەن جىلى جەلىلەر جۇرگىزىلدى، ال ءبىر اپتا بۇرىن جولىمىزعا اسفالت توسەلدى»، – دەدى تۇرعىنداردىڭ ءبىرى گالينا سىبايلاسوۆا.
وسىعان ۇقساس جۇمىستار بورالداي شاعىناۋدانىندا دا اياقتالۋعا جاقىن. مۇندا ءقازىردىڭ وزىندە 50 شاقىرىمنان استام ينجەنەرلىك جەلى سالىندى. ولار اۋداندى اۋىزسۋمەن جانە كارىز جۇيەسىمەن قامتاماسىز ەتپەك.