الماتىدا تۇنگى ۋاقىتتا ىشىمدىك ساتقان دۇكەن يەلەرىنە ايىپپۇل سالىندى 

الماتىدا تۇنگى ۋاقىتتا ىشىمدىك ساتقان دۇكەن يەلەرىنە ايىپپۇل سالىندى، – دەپ حابارلايدى اlmaty-akshamy.kz 

الماتى پوليسەيلەرى وتكەن دەمالىس كۇندەرى شاھاردىڭ ورتالىق بولىگىندە ءىس-شارا وتكىزدى.

– وتكەن دەمالىس كۇندەرى بارلار، كافەلەر، كلۋبتارعا، سونداي-اق كەشكى ساعات 21.00-دەن كەيىن الكوگولدىك ونىمدەر ساتاتىن ازىق-تۇلىك دۇكەندەرىنە تەكسەرۋ جۇرگىزىلدى. ناتيجەسىندە 37 ادام ق ر اقبتك-نىڭ 441-بابى بويىنشا جاۋاپكەرشىلىككە تارتىلدى. سونىمەن قاتار 9 شاعىن دۇكەن اكىمشىلىگىنە تۇنگى ۋاقىتتا الكوگولدىك ىشىمدىكتەردى ساتقانى ءۇشىن ايىپپۇل سالىندى. رەيدتىك ءىس-شارالار جوسپارىن جاساۋ كەزىندە قالا تۇرعىندارىنىڭ دابىلدارى ەسكەرىلىپ، كورسەتىلگەن اۋماقتار بويىنشا قانداي دا ءبىر قۇقىق بۇزۋشىلىقتاردىڭ جاسالۋىنا تالداۋ جۇرگىزىلدى. جەرگىلىكتى ءىس-شارالار، اسىرەسە دەمالىس جانە مەرەكە كۇندەرى تۇراقتى تۇردە وتكىزىلەتىن بولادى، – دەيدى مەدەۋ اۋداندىق پوليسيا باسقارماسىنىڭ باسشىسى ءىلياس ومىرسەرىكوۆ.

سونداي-اق ومىرسەرىكوۆ قالانىڭ بارلىق جەرىندە جەرگىلىكتى ءىس-شارا جۇرگىزىلىپ جاتقانىن اتاپ ءوتتى. جالپى، قالا بويىنشا قوعامدىق ورىنداردا كاليان شەگۋدىڭ 120-دان استام دەرەگى انىقتالدى.