الماتى وبلىسىندا 8 000 گا زاڭسىز بەرىلگەن اۋىل شارۋاشىلىعى ماقساتىنداعى جەرلەر مەملەكەتكە قايتارىلدى، دەپ حابارلايدى اlmaty-akshamy.kz.
الماتى وبلىسىنىڭ جەر رەسۋرستارىن باسقارۋ دەپارتامەنتىمەن جۇرگىزىلگەن تەكسەرىس ناتيجەسىندە بۇرىڭعى مەملەكەتتىك شەنەۋنىكتىڭ ۇلەستەس تۇلعالارىنا جالپى كولەمى 8 000 گا جايىلىم، ونىڭ ىشىندە جامبىل اۋدانىنان – 6000 گا، بالقاش اۋدانىنان – 2000 گا جەر ۋچاسكەلەرىن زاڭسىز، ياعني ق ر جەر كودەكسىنىڭ 43-1 بابىن بۇزا وتىرىپ بەرىلگەندىگى انىقتالدى.
ناتيجەسىندە دەپارتامەنتتىڭ تالاپ ارىزى نەگىزىندە الماتى وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن جەر ۋچاسكەسىن ۋاقىتشا وتەۋلى جەر پايدالانۋ تۋرالى ۇلگى شارتتارى جارامسىز دەپ تانىلىپ، اتالعان جەر ۋچاسكەلەرى مەملەكەتتىك مەنشىككە قايتارىلدى.